野場有錢執,又可能有錢失!

原帖由 RGiggs 於 2007-11-13 17:55 發表

                               
登錄/註冊後可看大圖

我當年都係出左個電話三日就俾左龍王！
我那時仲係讀緊書咋！

唔係你似終唔係你,你當破財擋災咯!

想當年中二既時候，最鐘意捐落烏溪沙碼頭底，爬入去之前都會放好銀包，坐係D柱躉度釣。

話說有一日 ，個銀包放多左大餅，果日又懵懵下咁唔記得左放番好個銀包就爬左入去坐 ，釣釣下魚既時候，忽然聽到後面"DUM"一聲。:em10

自然反應咁擰轉頭一望，Oh! SHIT!! 個銀包好似粒鉛咁仲沉得快過隻4號囡囡。

果一刻 ，唔識游水既我竟然驚阿媽鬧 ，望一望個水深計，心諗 都仲差好多先浸過我，冇事既)，咁就除左件衫，揸住生籠條繩落左水:me1 想執返果銀包，原來個水深計昆人架！落到去已浸到下巴 ，仲要係呢個時候，有架大水警輪駛埋黎。 嘩:fb20 D浪大x到呀！好彩攬實條繩咋，如果唔係都唔知沖左去邊喇:fb21

然後，上岸簽簿果位爛口阿蛇見到我:fb9 ，問我係到做乜x野，我話:fb29 跌左銀包，試下執唔執到，點知佢一句彈埋黎 ：(執乜x野呀，邊到執x到架，你好快xD上返黎喇，有咩事要人救你就麻x煩啦 )，講完就走左。

我見真係冇乜希望 ，就沿繩爬返上去，個身仲要俾蠔殼到傷晒...

我冇因此而走，繼續釣魚 ，原來人黑起上黎，真係可以好黑架。

大家估下跟住發生咩事

回家再續，收工先

個銀包飄返上岸...............

另一個爛鼻阿蛇當你係非法入境者，拉左你番差官！:fo17

釣釣下先發覺件衫同對鞋都唔見埋！
唔知幾時俾風吹左去，或者俾水沖左去

故事繼續

話說我繼續釣魚，點知副手排勾中木樁底d青口 ，仲要拉極都唔斷，唯有用盡九牛二虎之力一拉...

成粒鉛彈返上黎打中面珠 ，好彩唔係好痛，望番條絲，冇左個鉤，唯有綁過啦...

忽然，有人同我講：你塊面有個鉤勾住喎 我摸一摸塊面，正正係俾鉛打中既位置，唔係咁大獲呀嘛 ，點解個鉤會係塊面架

自已又解唔到個勾 人地又唔敢幫我解

唯有call阿媽黎打的入威爾斯(因為我冇錢) ，去到醫院，以下係姑娘與我的對話:em10

姑娘 ：拎個身份証黎登記
我 ：剛剛跌左銀包落海，冇身份証
姑娘 ：咁你係俾魚鉤勾到先定跌銀包落海先？
我 ：跌左銀包落海之後先俾魚鉤勾
姑娘 ：虧你跌左銀包落海，仲有心情釣魚

黑仔 既一日就咁過去

過左兩日，阿媽帶我補領身份証(當然已經俾人XYZ一輪啦)

事件發生一星期後，我如常去碼頭釣魚，冇被之前既事影響到

原來呢一日係全年水退得最勁 既一日，到步後，自然心郁郁望下跌銀包既位置

不可思議既事發生喇

我望到個銀包沉左係海底 ，過左陣等水再退d既時候，用之前既方法落左去執，原來我個銀包大餅太多 ，重到啜左係d泥度，估唔到因為咁失而復得

一個浸左成星期海水既銀包

除左條拉鍊，一拉就斷
d大餅黑晒之外
八達通、圖書証，身份証都冇事
係張八達通裂開左，但仲用到，超勁

e件事到最後蝕左既就只有補領身份証果幾舊水同我塊面

到依家，我都覺得咁既事太神奇喇

咁都算不幸中之大幸啦！
如果係彈中隻眼！
你之後就再睇唔到個銀包係度！

仲見唔見到碼頭底有部百佳車仔??

以前有3部百佳車、1個石屎垃圾筒、2部單車

依家應該清左