盜用帳戶事件

各位,

有網友反映,於uSPACE內的帳戶被人盜用,
導致"德克萨斯扑克"遊戲內的積分及道具給人取用,
有關情況,如需詳細調查,
係需要清楚知道某時段用相關帳戶登入IP地址,
但礙於系統限制,無論係魚樂網或uSPACE,
皆不會儲存帳戶一段時間的登入資料,
只會保存註冊時及最後登錄的資料,
換句說話...當你發現問題後,再次上網站後,
所保存之IP地址即轉換為當前資料,
所以係不能証明任何先前的盜用行為!!
如你亦出現過上述情況,唯一方法係...
可以直接嘗試聯絡遊戲供應商,
了解一吓供應商方面會否有保存相關資料!!
其實出現帳戶被盜用,離不開以下幾種情況,
1)常用電腦被惡意木馬程式入侵
請不要節省金錢,正版病毒及木馬保護程式少不了,
而且要經常更新掃瞄電腦,
不要隨便下載網上不明檔案,
特別係歌曲等...因為要植入木馬何其容易,
一經播放,電腦就中門大開!!
2)曾向第三者透露帳戶資料,
或者密碼與帳號名稱一模一樣,
曾經使用公眾電腦或他人電腦而未有登出!!
3)使用免費WiFi上網時,誤入惡意偽裝的Access Point,
便宜莫貪,以為有著數,隨時被人惡意盜取資料!!

至於本網主機內的資料,後台權限係不會隨意開放,
有關資料亦係有加密,我地亦有按時檢查Access Log,
而且小弟平常用於網站工作的電腦係有足夠正版軟件保護,
不會帶出外使用及不會勾線用免費WiFi上網,
所以大家可以放心!!

記住,任何惡意行為能夠出現,都係曾經開了小門而自己不知!!
只要你的防禦意識不足夠,你的任何帳戶皆可能被人盜用,
包括...Facebook, Yahoo, MSN, QQ,網上銀行及一切資料!!