不吐不快南油之旅

日期 : 2010年7月12至14日
船家 : xxx某南油船家
團員 : 共12人

今團的搞手特別喜歡訂香港仔某船家的船期, 認為對佢帶來好運, 有較多魚獲拿回家, 但我從其他釣友口中得知對呢位船家的印象頗差, 認為不去也罷, 勸我出少次南油在家休息好過, 但我已經應承咗搞手話去, 不想做一個冇信用的人, 只好抱住遊船河的心態出南油.

早上10:30到達逸港居碼頭, 並不是南油船直接泊碼頭上船, 而是要坐大頭艇駛出爬上南油船, 這樣的環境搬釣具上船較由碼頭出發不安全. 當上到船就聞到有一陣陣死老鼠味, 唔理咁多即刻入房霸床位, 原來只得6個床位有冷氣, 其餘6個要在近船尾行床板瞓覺, 要吹海風冇冷氣, 大熱天時認真難捱, 領隊安排好釣位諗住上炮架, 才知要用木板攝住至可以裝上炮架, 而且又冇電座位, 玩電絞的釣友要用汽車電池供電, 這些設施都不滿意.

今團船租包部份生餌, 船家話買唔到生魷魚, 要用池仔代替, 不過同一日出發的釣友坐另一隻船出南油, 佢可以買到生魷魚, 須然好多隻生魷魚在經過担杆水域時已死亡, 人哋不會找藉口話冇生魷魚買.

晚上7:30 到達嗱渣井, 船家兩位公子幾個箭步落快艇埋樁邊釣魚, 當晚流緊要用重鉛才可到底, 早上更是飛機流, 無法下竿, 可釣魚的時間減少, 因此全船12人總魚獲只有2擔, 其中一個更打龜收場, 另一邊箱快艇二人組共釣獲4擔有多. 其實我認為包船唔應該有其他不速之客一齊出發, 佢哋又用我哋嘅魚餌, 即係今團有14人, 團費應該少收幾百至啱, 呢兩位發到變豬頭, 團費唔使出, 有得玩兩晚, 而且又有錢賺, 可謂又食又拎, 彩就攞盡, 錢就賺到盡, 呢個世界邊有啲咁嘅生意呀! 所以希望咁多位師兄齊心合力反對南油不公平的做法, 要求船家不要拖快艇, 不准團員以外的人釣魚, 如果佢哋想釣魚, 魚獲歸團員所有.

呢團的釣友都好有公德心, 將垃圾放入垃圾桶，可惡的魚僮竟將所有垃圾拋落海, 破壞環境, 不珍惜釣場, 係咪想連南海油田都冇魚釣.

船家以就嚟掛1號風球的藉口提早在凌晨3點返港, 結束今次激氣南油之旅.


發完牢騷, 出幾張相同大家分享

咪嬲na ching... 下次唔幫親佢咪得lol...
嬲左又無用,最尾咪又係自己傷身,發下貼比人知唔好比其他人
中伏咪得...

現在好船家一隻手都數得曬................

Hope you have a good trip next time:pp21

Pls pm 我船家

希望各位 & siuwah師兄唔好公開或PM艇家資料, 以免引起無謂爭論, 謝謝

阿 siuwah
你可唔可以話畀大家知，呢兩個快艇佬出咩嘢價位賣魚畀你哋呀？以斤計定係成條賣？
紅鮪 $
黃鰭吞拿 $
雞魚 $
下次佢賣魚畀你哋，你反賣番你啲魚畀佢，睇吓佢出咩價
跟住佢話以賤價收購，你就以低過快艇佬的價位賣畀其他釣友
大家鬥玩嘢

都話d船佬無個養得熟啦,無客就咩都得,够客就咁咁咁.

希望各位 & siuwah師兄唔好公開或PM艇家資料, 以免引起無謂爭論, 謝謝  ...
joesiu 發表於 2010-7-26 02:36

                               
登錄/註冊後可看大圖

唔講比其他師兄聽咪即係縱容呢D無良船家.....

唔講比其他師兄聽咪即係縱容呢D無良船家.....
~~喂~~ 發表於 2010-7-26 21:12

                               
登錄/註冊後可看大圖

   ~~喂~~ 師兄講得好啱, 不過我地專注分享釣魚樂趣, 技術分享同討論多於批評, 唉!就算有好艇家, 釣手唔合作, 都會玩得好唔開心架,
先做好釣手本份為首要, 重來得實際啦, 何況, 樓主所講, 並無艇家作辯, 單方面評論, 係唔公平架, 大家都唔在場, 這 點, 我地好難企立場, 我地唔係唔想咁, 係唔可以咁做,
希望樓主明白,不過, 任何情況, 先做好釣手本份, 技術分享,開心釣趣為目的, 一定無得輸, 順祝樓主, 下水有個完美釣行補返數, 睇黎, 樓主飛走艇家d嘢, 都幾享受呢次釣行, 不過就唔完美啫!