2010年8月1日開始榕樹澳實施假期交通管制

今天上午11點駕車去榕樹澳釣魚，點知去到路口比管理員攔住，話由8月1日起澳樹澳在公眾假期實施交通管制，除了魚排排主、當地村民和的士外，其它人仕駕車都要持有魚農署的批文才可入內泊車，見到咁唯有轉番出去附近搵位泊車，但係又冇位，最後將架車泊去西貢再坐綠的返榕樹澳，但到我6點釣完魚坐的士返西貢又唔見哂D管理員。請問有冇師兄知道澳樹澳公眾假期交通管制詳情？是否有時間限制？如有是否趕在限制時間前便可駕車入內泊車？

小弟打過電話去漁農自然護理署問過
個度屬郊野公園範圍
車輛進入要有"將汽車或單車帶進郊野公園的許可證" 先可以入去
但已經實施左好多年
會唔會係有人亂泊車比人投訴, 管理員先做下樣咁呢??

多謝師兄提供資料~可能真係比人投訴所以要做野，我之前去榕樹澳釣魚都係泊路邊，只要唔好阻到其它車出入就OK，不過自從有漁排比人游水滑水之後就越來越多車，上星期日重係路口拉埋告示，加埋兩個看更守住。