88小朋友釣魚體驗同樂日花絮!!

實在非常非常欣慰,
昨日嘅活動喺天公做美情況下順利完成,
我地絕不能夠講係"成功完成"...
整個籌劃過程中,實在有好多不完美及混亂嘅地方,
希望各位參與網友多多包涵,
小弟要代表魚樂網感謝以下單位人士支持...
各位支持嘅網友,多謝大家無私幫忙及無比耐心及愛心,
各位參加活動嘅小朋友及義工,多謝你地昨日咁熱烈釣魚,
兒童燃點生命協會,多謝協力合辦活動,
金門海釣場"明哥",多謝幫忙安排放魚及活動空間,
Pure Fishing,感謝為小朋友送出Cap帽,
Ivan兄及大久兄送出紀念禮品,我代小朋友多謝你兩位,
特別感謝幾位背後特別抽空幫手籌劃活動的網友...
為免遺漏,不詳列幫手網友名單...敬請多多包涵!!
感謝釣友無限及魚樂雙週為活動給予的報導編幅!!
........................................................................................................................................................................................................................................
花絮報導...
對於今次活動能否順利進行其實越近8月8號越擔心,
大家都知道,近期嘅天氣實在太難捉摸...
真係未到果一日都未敢講天氣係唔係良好,
我地幾個背後人士都一直留意住個環境變化,而且有D安排方案亦不斷修正,
小弟星期六晚都俾場午夜雷雨影響,心情患得患失...
好在早上天明後,情況表現良好...可以放低心頭大石了...
睇得出大家其實好重視今次活動,早上9點幾,所有參與活動嘅網友都已到整魚場了,
有幾位更加提早到達,先為我地打點一切
我地大家就馬上開竿準備有D比較快手,已經弈刻作釣熱身一吓!!
到左10多鐘,小朋友坐嘅專車已經到達,我地亦都完成晒D準備工夫,
我都係第一次見呢班報名參加嘅小朋友,
當中好多真係好細個,而且女仔又佔多數,
真係有D擔心佢地無乜心機釣魚...
而且天公做美個天放晴...好晒呀!!
不過都唔擔心得咁多喇盡能力去做吧,
其實我地兩面單位都有左準備,
飯後會安排集體遊戲可惜................................

好喇繼續花絮報導,協會單位完成晒到場後的準備工作後,
就正式分配指導釣魚組合喇,大家開始熱熱鬧鬧釣魚去,
真係好多謝各網友咁有耐性同各小朋友交流,
始終大家係未認識不過有樣野對小朋友真係好有吸引力,
原來係魚呀!!大人一樣好興奮...義工們同D家長都對釣魚呢味野好感興趣!!
大家唔好覺得魚場釣魚係一定容易尋日釣況真係唔錯
我地係打算活動完結後,每位小朋友會俾佢地帶走一條魚,
魚獲竟然喺活動開始後一個多小小鐘頭後超額完成左喇!!
其實都好擔心D小朋友會太晒太辛苦及無乜耐性玩...
不過我地太低估佢地原來佢地係超符我地估計,
竟然唔怕晒,唔怕辛苦,唔怕悶...
係咁釣,係咁釣,係咁釣,無停過,真利害!!

到左中午1點左右午餐時間,佢地先至停落黎休息,
不過見佢地地食得幾快我就知乜野事喇,
咁有唯有同協會單位傾吓,取消個集體遊戲環節喇
下午時段各位小朋友又再出去搏命,
經過上半場體驗我地網友都有教吓佢地基本作釣知識架,
不過諗住都係釣到之後俾佢地玩,
不過...大錯特錯...小朋友嘅吸收能力,超符你想像,
完全係可以自己黎,拋投,中魚,上魚...
有D可以飛魚上來有D仲識仿餌...你話死唔死...??
而且佢地中魚後係會係咁泵係咁泵...攪條魚上來!!
一個字.............勁呀!!
仲有一樣野要讚各位小朋友都好聽話呀!!

快樂時光好快過,到左3點幾釣魚環節就要結束喇,
其實見到有D小朋友都未夠喉不過無辦法...
經過簡單結束儀式及大合照之後,佢地都要集合上車走喇!!
昨日大家都好盡興,祈望再有機會再同小朋友相聚,

活動最初係諗住帶俾小朋友一D釣魚樂趣,
不過我感受到,如果有幸同一班玩得咁投入嘅小朋友相聚,
對我地黎講其實都好大得著!!

再一次感謝大家的支持,愛心,投入!!

:em2開工冇得黎
期待相片

向全體工作人員致敬

點解得咁少相架

多謝位的安排......同時是次活動

點解得咁少相架
雅比 發表於 2010-8-9 18:03

                               
登錄/註冊後可看大圖

一路加緊相架

為各位小朋友, 義工, 工作人員, 籌辦機構.....拍掌....

真係非常開心呀!!

一定玩得好開心

見到如此天真活潑小朋友，辛苦都值得。