過年特備節目之笑口常開! 分享釣魚攪笑事( 會有50分加)

原帖由 anglerboh 於 2008-1-31 16:19 發表

                               
登錄/註冊後可看大圖

繼續之前..
因為果日係去石駁..我係揾左一個石"燶"去方便
當方便完..想起身着番條褲..見面前有一架艇經過
架艇有6~7人..有老有幼..艇上各人開始望見我
6~7對眼望住我..果一刻..真係想C ...

我試過有次一行三人去磯釣,
點知有個帶頭快馬一支箭咁行先,
之後我與另一友人心裏有數,
一起急步開定手機,
找到目標即時拍攝大解影片,
只見當事人已開始解放,
走又走唔到,只能夠大聲叫唔好,
睇到佢好無助既表情真係笑到肚都痛眼水都標埋,
ps:切勿模仿,唔玩得會好大獲!!

有次成斑友同個初釣魚fd一齊玩!
當我一路睇人中魚一路開杆時.
特然聽到啪一聲.當時成個人呆咗!
我斷杆頭.成個好灰 !
但le個時後我聽到初釣魚個fd細聲問另個fd.
磯杆好難開?
當時所有fd都狂笑!(我都笑埋一份!)  

今日加晒分! 明天再比

原帖由 JL-Crazy 於 2008-1-31 17:05 發表

                               
登錄/註冊後可看大圖

唉~~king sir,我依家臨出門口,實睇下個鉸係唔係到

我都差dng記得帶個鉸, 好在臨出門口check 1 check~

唔記帶絞事小,我女友重攪笑,有次去東涌釣魚,由於我地好早起身(約七時左右)去釣場,我女友遲些才來,所以佢自已拾架生,佢到左釣場一開竿袋 ,大獲唔記得放支竿入竿袋,我看一看佢竿袋裝d乜, 一看絞一隻,一盒小物,一盒鉛,鎖竿鎖,毛巾及大量小食! 我唯有借支竿比佢玩!

話說N年前同個朋友一齊去釣魚
佢又未買魚竿
咁我咪唯有借住支竿俾佢先喇…
我地係玩沉底既…
一去到釣場SET好晒釣組
咁我教佢投竿囉
開頭兩次都無問題,
我諗住佢都開始搞得掂喇
咁我咪去買野飲喇
點知買完返黎淨係見到一枝竿
咁我咪問佢囉
你唔釣喇
佢話唔係
係我岩岩投釣組出去既時候唔小心將枝竿拋埋落水,
唔係呀嘛,
我枝竿呀

原帖由 hiu2006 於 2008-1-31 20:42 發表

                               
登錄/註冊後可看大圖

o係N年前幾個朋友上墩釣魚,
其中一個人釣到條魚仔上尼,
佢解完鈎之後就掉o係地下,
跟住就踢返條魚仔落海,
認真無良!
然後我就見到佢古古怪怪咁走埋尼,
問我地有無三爪鈎!

原來佢連自己隻鞋都踢埋落海!
認真抵X死!
...

我聽個版本唔同喎!
佢係踢左隻鞋落海,唔敢出聲驚俾人笑,仲匿去條柱後面!
後來有人見到水面隻鞋咁熟口面先至知!

整多單爆笑料比大家,十幾年前我一心渡個fd釣魚 ,個fd答應同我一起去釣魚,釣左一陣個fd唔釣中d乜野拉唔動,於是佢大力一揪,拍一聲粒5號鉛飛左上來直入佢口吔一聲 ,於是我跑去看看佢有冇事,典知隻勾中左佢口裡的吊鐘位 ,我於是幫佢剪左d魚C,同佢去急症室,去到登記時姑娘問咩事,本應我幫佢答,典知佢自己又要痛又要搶答答得又簡單:入扣 ~~~個姑娘好驚呀說:吓.......咩入扣 啦,跟住我搶答番事件,個姑娘叫佢MarK開個口看看,一看唉隻勾真係勾住吊鐘位流血喎,跟住姑娘立刻帶佢見醫生,醫生問姑娘咩K屎 ,個姑娘答醫生:釣魚中勾入扣隻勾勾中吊鐘位置 ,跟我被位姑娘請左出去等!自此之後佢都唔去釣魚啦!

佢還時常笑我去釣漁要小心d,唔好好似佢咁自己食入扣!

[ 本帖最後由 leoncody2639 於 2008-2-2 03:19 編輯 ]

成廿年前...在鯉魚門釣魚....初次用投竿
用生蝦...釣咗半日都冇魚訊...還有三隻生蝦..諗住釣埋走人
大大力揮竿出...再次座下等啦....突然竿頭點咗兩吓..跟住拉竿..
初次用魚竿...在沒有經驗又沒有人教之下...
當時邊樹識得高舉魚竿頂鱼...支竿指向大海...博哂命咁勁攪動魚絞...
攪呀..攪呀..攪呀..見魚喇...
好大條紅鮋呀...都唔理是否新竿..掉下支竿...用手把條魚拉上尼..
就係咁樣...人生第一條用魚竿+手絲釣上的大魚.......

都成廿六至廿七年前
同老友去萬山釣夜水...6至7人坐大頭艇...
果時邊樹有磯釣快艇...成4,5個鐘先到達萬山...
上到位後咪lee,lee,哪哪拆蟹...縛餌..釣魚..
咁啱有大陸水師經過..仲用射燈照埋尼...當時去萬山釣魚好似偷渡咁
咪即刻關電筒...雞手鴨腳連電筒都掉咗落海...上半塲就係咁又大風又凍之下完場
下半塲轉位...起風了...咪求其揾個避風位上啦...
揾咗個離水約一米高,又平平地,背後又有高崖,當時又退潮..唔怕啦..同老友照上..
釣到約半夜十二點幾....嘩...咩樹...就係我們前面有魚打水...仲唔只打水..條魚仲會昇水...
之后還從頭頂飛過....哈哈...原來之前已有另外兩個釣客上咗咐近...冇魚釣..行吓行吓就到咗我門背后高崖上...又唔知崖下有人...wakaka..佢地坐超等...我地就釣前座....