過年特備節目之笑口常開! 分享釣魚攪笑事( 會有50分加)

又再講多個
去年同一個好好好朋友去釣日水...釣點係外礁一個碼頭...
那處離水面有兩竿之距...有梯級可以行路下一層用撈箕起魚..
朋友之前磯釣從未起過一斤重的魚獲(塘釣除外)
釣到中午約十ニ點幾...見佢一揪...中魚...頂魚..追絲..都好有功架..
咪擒擒祿走落下一層...澎的一聲....炸竿...唔係...係我中呀...個額頭中咗下一層條橫樑
當時真係金星四舞...勁頭痛...因朋友是初次中過斤魚...不能有失...咪又痛又wing吓wing吓咁幫佢撈魚..
成斤重黑沙...終於比佢釣到...
之后繼續釣喇....約三點幾...朋友再次揪竿...lee次比之前好力些少...都唔理佢如何頂魚..
九秒九咁..又衝下去幫佢撈魚..咚的響...又再撞到同一位置...再一次好痛...奮不顧身撈魚...
都有斤半重黑沙.....朋友梅開二度鬼咁開心....
中開就中係冇錯....隔冇耐睇住佢線結一到浮波就跟住落....
天呀我做錯D咩呀....又再一次飛奔下去啦....
唔洗講各位都知咩事啦.....好頭痛呀...人地就中三口...我都唔執輸中三野...忍痛撈魚...
又大D...成ニ斤黑沙....同一日比佢破咗佢自己多項....
咁樣食餌...下面一定埋咗好多魚...唔理咁多...朋友縛勾時..飛快咁掉口餌落佢個位偷魚...
嘩正呀...浮波慢沈....終於到我喇...幾好力....終於佢幫我撈魚....咦..今次朋友係下面大叫....
唔通佢又中咗個頭.....開杯放低支竿走下去睇吓咩樹.....wakaka...原來朋友唔識用支撈機...
佢諗住成支撈機連入咗網的魚硬頂上尼....勁攪笑....hehe...三斤重黑沙...偷魚成功...
之后朋友再掉口餌落去....嘩....佢又中啦...此時遠處已見礁艇駛緊埋尼...最好魚之時又係收礁之時
朋友頂呀頂....好好力....過硬三斤....突然虛哂...斷魚??爆咀???..收上來一看........超..........
原來朋友太心急....求其縛個超細泥猛勾........完
好懷愐這次釣行.......

[ 本帖最後由 高佬峰 於 2008-2-5 19:01 編輯 ]

我都呃吓分先 有次一大班朋友出外礁釣魚  4點船  一見船家到  個個都攞起自己d 釣具傳落船  開開心心到達目的地  跟住搵位上礁  最後得我同另外兩個   到搬釣具上礁  另一釣友先發現佢個餌袋冇左  原來佢個餌袋留在係碼頭冇跟主人落船   哈哈  呢個人你都識架  sunhee

謝謝.......sunhee師姐

心想事成~~長釣長有
萬事勝意~~身體健康
日本之行~~再創佳績

[ 本帖最後由 高佬峰 於 2008-2-8 02:41 編輯 ]