版主的心聲吧~

大家好... 呢一個帖希望各版版主都留個言... 講出心聲... 喚醒身邊的人... 謝謝

先自我介紹... 我是假餌版版主... gilsonli

我相信當網友今日以不同方式知道個網要關... 應該都好突然... 事實呢幾個月我地個網的確要面對好多問題... 好多筆戰...

我記得個網開始不久... 本版都有好多筆戰... 最後大家都以理性角度解決... 假餌版就和平下來...

每天都有分享魚獲... 放毒... 查詢... 搞網上比賽... 到成立假餌補習社... 都是大家努力去維繫... 說句謝謝...

今日睇到好多回應都叫網主三思... 唔好關網... 我本人好感動... 因為網主建立一個花園給大家...

而大家又好樂意去呢個花園... 呢個花園已經係自己生活既一部分... 證明網主心機冇白費...

而失去左個公園對好多網友黎講... 就好似冇左一個可鬆弛既地方... 好可惜... 我相信網主都好可惜...

大家想深少少... 點解網主要做出一個令大部份人傷心失望既決定呢.............. 網主是成年人... 不會是一時之氣啦...

難道大家見不到網站風氣跟之前有所不同嗎...? 就算網主回收丞命... 往後日子又點呢... 又保持怪怪既風氣...?

希望網友們睇過小弟幾句心聲... 好好想清楚... 點去維護大家既樂土... 改改舊有討論區的陋習... 好嗎...?

希望爆叔唔關網，我好多釣魚既野都係依度學到，我唔到就咁停學！

呢個版我相信係香港最出色既釣魚網, 分區分得清晰, 帖子瀏覽之高令人讚嘆~~
我諗香港所有既釣魚人都會上既網, 冇佐佢,
可惜~~可惜

[ 本帖最後由 亞昌 於 2008-6-1 09:24 編輯 ]

我係fly 版版主 KFD﹐好同意gil版主既講法﹐我語言能力有限﹐就簡短D補充。。

我覺得網主既成功﹐吾單至將個論壇專區化﹐最仲要係有一個和諧既環境﹐將論壇專區化難道有限﹐但維持和諧既環境就真係有一定難道﹐網主係尼方面其實我覺得係成功的﹐有各版主﹐師兄弟姐妹們對網主/論壇既尊重﹐和諧既氣氛都維持左一段長既時間。

相信有大部份朋友都有談過戀愛﹐試問聲﹐有邊段亂愛時間長了就會開始有爭吵﹐ 只係時間長了就忘記 "尊重”﹐但亦吾代表大家都想放棄﹐只係雖要自我從新領略。

網主大大﹐希望你可以比我地去改﹐去度過尼個過渡期﹐繼續去推動香港釣魚活動

各位好！
好高興成為DIY版的版主，
可以和松田先生及其他師兄，
一同研究、分享製作過程和心得，
是一個極大的滿足感！
其實網路中有很多功力深厚之手研者。
未必會將自己的作品分享，
未必會回覆帖子。
相信一直而來都結集了一班愛好者在本網瀏覽！

有關本網小圈子問題有著很多不同的言論！
在本人看來也覺得平常而已，
那裏沒有呢？我看不到那裏會有永恆的真善美國度，
可能一天走進萬尺天堂都要埋堆才可活著。
怎檥可以將不會的小圈子結集在的起，
才的真諦。

以下為本人零碎想法：
1. 一念天堂一念地獄
2. 高層次的陰謀論
3. 有永遠長不高的樹
4. 有沒有看過水針的魚標？魚標未必一體成形。
5. 阿門

我係 MAEUCHI 前打版版主 DriftsinkAngler﹐我都好同意阿Gil 版主既講法﹐我果晚做做下野就見到個POST!  窗外仲閃電打雷!  我唔多參與在其他版的筆戰同無心機睇呢D臃長嘅Posts, 所以都唔知咁大鑊!

覺得網主做呢個交流平台好成功﹐好專業﹐最少前打區好和平!  如網主爆叔所祝付克盡自任﹐將論壇專區化難道有限﹐但維持和諧既環境就真係有一定難道﹐香港前打釣手們的一個平台!  讓大家交流認識!  我多謝個綱比我連打神級的Kido師傅都無私教導!

網主同大家係呢方面覺得係超成功的!

網主放左好多心機金錢時間去堆廣正面釣魚活動!  睇D比賽嘉獎Logo就知幾多心血!!!!

太可惜!太可惜!太可惜!太可惜!太可惜!太可惜!太可惜!太可惜 x 10000000000

同意KFD叫各版主﹐師兄弟姐妹們對網主/論壇既尊重﹐和諧既氣氛都維持左一段長既時間。

頂!!!!!!!!!!!    眼濕濕!

寫住咁多先:%22^

大家好,

我係承承，我諗我都可能係魚樂網較少發言的一位版主，魚樂網開張後不久，爆叔邀請我為磯釣區版主，都好似係第一位磯釣區版主，那時爆叔講：承承，你的豐富磯釣經驗相信能夠擔任此職位。我說：只要是能推廣磯釣運動，分享心得我也很樂意的。最初段的時候我也有會答釣友的問題。到了中期甚至近期，相信或多位磯釣版主都較少留言，別的版主點諗我真係唔知。而我自己去觀察所得。從前很多釣友post相上來分享，跟住就會有一批網友不斷去追殺小魚濫殺的主題，令到一些可能只玩過幾次磯釣的釣友以後都不敢post相上來，真心講句，有邊位磯釣人仕係從來未試過拎少於25公分的漁獲？如果有我先恭喜你，你的品德真係好好，但再想問多一句，有冇試過無意間整死少於25公分的魚？包括入扣而死的魚。如果有你就明白到我所講的說話。香港磯釣真係好大咬的日子及次都唔算多，有好多網友想分享魚獲，難得一次的爆釣前來魚樂網威一威加一加分，換來的又是濫殺，點解唔放？食得哂未咩？等等的語句，你估這些釣友下次還會再post相來嗎？又有一d網友post幾條大魚上來，又一論的catch & release，唔放生就唔應該，你估佢下次又會post相上來嗎？其實大家網友的用意都是對的，大家都係維護海洋，但是表達的方式及層面都可以好多種，可以係另的post討論。單單是磯釣版已經係這樣了，如果大家有留意，近這兩個月出新魚獲的照片都不多了，魚樂網有這麼多的會員，大家的相片去了那裡？可能好多網友都想上載，但又驚別的釣友批評。釣得細的又話唔放？釣得大又話唔放，釣到有春的又話唔放？釣得多又話唔放？我都好想知道大家想各位網友post 咩相上來呢？

爆叔
你的而且確很厲害，製造一個全港最強的釣魚平台，給大家一個討論的地方，不知不覺間各會各派的釣友共識已經聯繫起來，假以時日一定會有成績出來的，如果你已經決定要close此平台，我們各方講咩都冇用，我只可嘆一句 "可惜"

我係Sunhee, 都係呢到魚樂台,HKEG同新加gae賑災義賣區gae版主.
我個版主老實講, 係屈老爆比我做gae! hahaha! 雖我ng識釣魚都ng介意找做post比我做, 謝謝你! Anyway年多以來做得好happy. 識到好多朋友, 學左好多野. 近排的賑災義賣區更係highlight.!

我不久前和日本友人講起我近日好開心. 釣魚本來把好多ng同同的人帶在一起做朋友為娛樂, 四川發生災害釣魚卻把好多ng同同的人帶在一去出錢出力出心去做善事幫助有需要的人. 由去玩去柴哇哇的人, 立時變為幫到人的力量. 好感動.

不到一兩星期...就變成甘...好慚愧...係係ng係一定要咁?
嘈ng嘈交睇ng睇人人嘈交我地有權決定定, 關ng關網我地無權話事. 我地可以點ㄚ?

大家好!!我hoo0o0ooh 筏釣版主傑仔!
我睇到post,要把魚樂網close左佢,我覺得好可惜!
咁耐以來,呢度每區每版主網主都好努力做好自己本份維持魚樂網,成就出一個又好又專業充實的釣魚網,很值得大家欣喜及參與!!
尤其係每版版主都好努力搞D活動,比賽出來,讓釣友參加,成續亦有目共睹!!亦因此令很多釣友及初學者,學到更多的釣魚技術,更得到友誼!!
但因為一D論戰,而要作出close網,真係好可惜!!一個大好的釣友大家庭要破滅~~實在令人落淚.......

各位好
我係飄飄然,所在其他釣法及問題版區版主,在此先向爆叔致敬,爆叔在此搞左個非常好既平台給大家討論及分享,回想小弟在香港魚樂網也有一年多,我所得著既係認識到好多好朋友,好多珍貴既友誼,生活圈子也擴闊不小,亦認識到好多釣魚以外好正面既野,感覺己溶入我生活之中其中一部份,當收到此消息後,覺得生命中好似小左某東西似的,其實一個公開既平台,是非一定會有,絕大部份都係好正面,而小數存心搞事者亦不難分辯#106,http://www.fishinghk.com/forum/viewthread.php?tid=17309&;extra=&page=8只係各位抱個咩態度去應對,是非黑白大家心中有數,何必係要你一嘢成一嘢先安樂,小朋友打交咩,比你贏左又點,張心比已,可以逆地而處嗎?
誰個背後無人講,那個人前不說人,說人是非者便是是非人.....
爆叔今次作此决定,小弟覺得非常可惜,可否收回成命呢!
但我絕對專重爆叔意向!!

支持你爆叔!!

                       飄飄然

[ 本帖最後由 飄飄然 於 2008-6-1 14:11 編輯 ]