版主的心聲吧~

大家好
的是筏釣版版主華少
爆叔當日邀請我成為版主
我實在十分榮幸
因為我無得無能
技術一般,何來做一個名稱的版主呢
其實版主還要做好多功夫
維持版區運作,加強區內網友對釣法的熱誠及了解
可能我這個版主並不稱職
做到的事並不多
但見我搞的筏釣比賽
成了雛型,而且多了一個核心人物支持與鼓勵
已是成功的第一步
好希望,好像當初同爆叔講得一樣
推廣筏釣及團子筏的活,我不遺餘力一樣
希望比賽推向香港公開賽
更多人參與
這個網的發展空間還有好多好多
停下來是極之可惜
近日連場風風雨雨
令向人心情極差
感覺魚樂網經已變質
其實魚樂網沒有變
只是起了一場十號風球
大家手繫手,心連心
抵抗這場風暴
太陽好快會出來的
爆叔,你不是孤軍作戰的
重有大家,各位努力支持本網的版主以及網友

大家好，我係DIY區嘅松田~大家都可以叫我Roy
不經不覺小弟都係魚網一年時間，能夠出任DIY區版主，服務到釣友們，真係小弟嘅榮幸，回想呢一年，我係魚樂網認識到不同嘅釣魚朋友，有新手、有老手，有些更成為我的深交朋友，在此先多謝爆叔攪一個咁好嘅釣魚網上大平台比大家!!
其實小弟都有一翻肺苦之言想同大家分享下，係呢個網裡面，有著不同的社會階層，有打工、有失業、有老闆、有女士、有學生，點解咁多唔同身份、階層嘅人都可以集合埋一齊...原因...就係大家都喜愛釣魚呢個活動!!
有些更能由網友變成好朋友，更是一種緣份!!
香港係一個冇民主，但有言論自由嘅地方，每個人都可以發表自己個人意見，討論區就更加可以各預己見，但人就係咁衰，容易得返嚟嘅嘢就唔會珍惜(包括我自己)，去到一個"理所當然"嘅時候就會覺得自己係"老馮"咁~~到失去嘅時候先會覺得"可惜"
呢兩日小弟認真地"自我檢討"，知自己問題所在!!也希望能作出改善!!
詳文已在"投釣區"表達過，在此不便再重覆!!
http://www.fishinghk.com/forum/v ... 17323&extra=&page=1
小弟在此希望大家，珍惜現在眼前得來不易的一切....


[ 本帖最後由 松田先生 於 2008-6-1 17:05 編輯 ]

我係亞海,我覺得我唔似做投釣板
個板無野可以交代到出來,重變成比人罵叉區.
千言萬語,最終一句,對不起!!

大家好，我係前打版版主維記
首先，爆叔，我代各打手多謝你
最初前打版由小貓幾隻到現在有大約５０個常客分享釣技同魚穫
令大家得到寶貴的經驗心得交流
亦要多謝ＤＲＩＦＴＳＩＮＫＡＮＧＬＥＲ版大令前打版興旺
最初因起歡手作而有幸成為ＤＩＹ版主，及後因工作被迫夜放棄ＤＩＹ
轉而成為前打版版主，希望為呢個網及喜愛的釣法盡一點綿力，為大家服務
晌呢年的時間我從魚樂網中學到好多釣魚同釣魚以外既野
包括做人處事，不能盡錄
亦有幸認識到呢個大家庭好多朋友
有過一年歡樂的回憶
在這裡，我再一次多謝爆叔給我的寶貴的學習機會，回憶及知識！
爆叔！謝謝您！

大家好,
我係假餌區其中一個版主 黑雲
個晚3點幾都訓唔著,無啦啦見到關網個post,第一個反應就係:唔係下嘛....之後覺得個心好唔舒服
回想返我係魚樂網都有多於一年既時間.....開始既時候都係睇多,比較少出聲,後來參加左魚樂網一個活動
認識左很多志同道合既釣友,之後仲承蒙爆叔既邀請,出任假餌區既版主....
在呢一年多時間,見到假餌釣法在香港迅速發展起來,自己身為其中一份子都覺得好開心,
唔再係比人認為係祇可以釣到鱸魚既釣法....亦有好多熱心既師兄都好樂意post 出來分享釣獲, 指導新手...
小弟在此不勝感激, 但最重要都係多謝爆叔比左我地一個咁好既資訊平台......多謝晒
雖然真係唔知今次發生乜野事......但見到最近筆戰較多,小弟亦想在此講下個人感想,
其實全世界咁多人,有幾多人思想,價值觀會一樣?就算一樣,在同一件事上,亦可能有唔同睇法....
就放生這個問題....已經討論太多次,貼亦封唔少...其他既事亦一樣.....
如果大家係回貼之前可以用幾秒在他人既角度諗一諗
可能件事就會唔一樣, 如果大家都可以有少少忍讓,包容,唔好過份執著....即係點?
個人覺得例如唔岩睇咪唔好睇囉, 或者睇完就算數唔評論...
其實有呢d動作已經好足夠.....亦唔會搞到今日這個地步....
不過依家已經太遲啦....

最後係度希望魚樂網可以繼續經營....小弟亦奢望如果魚樂網有機會重開既時候...
各位師兄弟姊妹能夠加強自己本身既忍讓,包容之心....去維繫我地既釣友大家庭.....
每人多一分...就已經夠晒用啦~~~ thank you..

大家好!!!我係EGI板既shek9ung

自從魚樂開業我已經一直好支持,好開心爆叔開左一個咁好既平台比我地分享,小弟首先係lee道衷心咁多謝爆叔

但係最近聽到魚樂網要關網,小弟十分傷心,點解要搞成咁呢,可能依家仲有好多會員唔知道...

其實好簡單,大家試下將心比已...如果比人圍攻既係你,你會點?

講錯野就比人團體式輪流抽插,你會點?( sorry唔係針對任何團體)

唔通係網上面認識一大班人就可以橫行無忌,咁同黑社會有咩分別?

其實爆叔已經講明,有咩私人恩怨唔該你地私人自己搞掂,你既故事無人知,都唔係個個想知.

任何人都會有犯錯既機會,點解唔比個機會人地,比個機會你自己?

最後如果有機會小弟希望再有機會為大家服務,開開心心咁去分享!!!!

大家開開心心咁走埋一齊嘻嘻哈哈咁去enjoy!!!!!!!!!!

我係"星座網聚"版主，車厘.....

首先好多謝爆叔，努力咁經營呢個平台，令我識左好多好朋友，
係未做版主前已經幫手攪過唔少生日聚會同活動，希望大家都滿意^^
但係做左版主就未正式攪過活動，希望依然有機會同大家聚下，開心下！

想講......有好多人想釣魚，但係冇人教，又唔知問邊個好，自己盲摸摸，
好彩既，遇到好人咪繼續玩囉，唔好彩既，玩玩下就冇癮啦，
呢度，辦左好多新手班，有好多整理左關於釣具同技術既文章，
真係幫到好多新手，呢樣真係好難得，再者，亦都幫大家搵到唔小釣腳！

呢一年，眼見，亦都聽到好多風風雨雨，但係呢個網都頂住，
呢一關，希望都過得到，希望在明天............

多點體諒、多點了解、多點包容，多點思考，多點魚獲，多點歡樂！
網上零討伐，魚樂人人愛！

我係一個又懶又成日潛左水嘅假餌版版主...我認衰 o架~!!!(在此借個機會向其餘兩位假餌版版主講聲SORRY先,依排辛苦左你地做埋我果份! )



冇乜野想講.......不過見大部份版主都出左心聲,咁我又講兩句啦.......

講真..要寸人..要吹雞圍插..要口不擇言..玩單打,粗口近音..我都好叻...但我唔會 o係 魚樂網 度亂用~~.
點解呢??.......因為我知道,除左會影響到其他會員之外,,自己背附嘅身份亦係關鍵所在,,試諗下如果各會員有樣學樣,個網會變成點?? 記住..依度係老少咸宜,,請尊重自己,尊重別人!!!!



釣完魚好眼訓...冇咁好氣.........唔寫咁多啦..訓下好過~!



老爆...一切在心中啦~!

[ 本帖最後由 aroomd 於 2008-6-2 12:00 編輯 ]

Sorry to all, I got nothing to say but I fully support this web site because I do agree this is a very valuable site for HK fishing world. I don’t know what I can do but I will do my best if you guys need anything from me.

PS: I meet friends from here, I learn useful stuff from here and I had happy moment in here. Thanks Gary and you all.

各位好,我係EGI版版主Anthony.

係過去一年時間入面,透過魚樂網,認識左好多志同道合嘅好朋友,目標意念一致,
一齊食飯釣魚..發傻之類.雖然我出席率不高,但你們的確實實在在的活在我心,
位置也從未有變過.

得知這個不易接受的消息,十分驚訝...可是沒有半點兒傷感,可惜..什麼什麼之類.
"魚樂網"根本從頭到尾都不是我們的地方,老爆無收過我半分錢,這是他老人家的
地方.不珍惜,到頭一定是失去,無論在世界上每一個角落都是一樣.

一方生事,八方受難.