黑色暴雨勞氣事

小妹” 松田夫人” 甚少係” 香港魚樂網” 發表言論，但今次真係頂唔順，因我老公公司上司嘅不知所謂，小妹都要出帖伸一伸，等大家評一評理。
話說今早我老公如常7:00就彈起身，諗住刷牙洗面返工，點知一開收音機，傳來” 黑色暴雨” 警報，咁我老公理所當然就唔駛返工喇。
我老公嘅上班時間:
星期一至五：AM8:30~PM5:30
星期六：AM8:30~PM12:30
我地家住香港東區，佢返工就係香港南區，返工搭車都要一個鐘。
見佢唔駛返工，我好正常當然叫佢再訓一訓休息下喇，佢就答我: 等到十點幾先喇，我怕一轉紅雨，馬上要返工呀!! 跟住佢就打電話比工作上相關人士，安排同交代工作嘅事，如是者…..AM10:45…重係”黑色暴雨” ，我老公都諗住唔駛返架喇…之後就同我落去樓下食早餐….AM11:15…. 傳來電話鈴聲…我老公一接電話，原來係佢”上司”打嚟…. 叫佢馬上返工….. 當時我心諗…. 冇嘢嘛…. 依家都AM11:15……坐一個鐘頭車….. 返到去都PM12:15(重未計塞車)<<( 加上今日咁嘅天氣，有D地方更加係水浸、山泥傾斜)…. 我老公就係電話同佢講…. 所有嘢已經安排晒放假後再處理…. 問佢可以唔返嘛….” 上司” 話: 返咗嚟先….. 真係再冇嘢嘅話…. 留係度個零兩個鐘先走…. 我老公登時面紅耳熱，想開口插佢嘅時候，小妹就發揮背後女人角色…. 輕拍拍佢膊頭…. 之後“老公” 便按制自己嘅”EQ” ，平心靜氣地…同佢講：…. 好…. 咁我依家返嚟喇!!
見佢咁嘅樣…. 小妹都登我老公唔抵…. 一團火燒上頭頂…要上嚟發洩下~~
幫我老公”抱打不平”
以下係香港勞工處嘅暴雨&颱風工作指印~
打工一族要了解多一點，為自己爭取多一點…
http://www.labour.gov.hk/public/pdf/wcp/Rainstorm.pdf


[ 本帖最後由 松田夫人 於 2008-6-7 13:31 編輯 ]

松田嫂~~~~唔好勞氣~~~因為個個只係指引~~~
都耐唔到顧主咩何~~~~睇開d la~~大不了東家唔打打西家~~

吾好勞氣呀嫂

老細見松田兄甘高EQ﹐甘抵得諗﹐會加分好快加人工~

小妹就發揮背後女人角色…. 輕拍拍佢膊頭….  

松田夫人做得好好  講反轉頭，呢一份係指引，僱主可以唔跟。當然係咁既上司下做野真係有D灰,學松田sen話齋為搵食~冇計!!

咁我就覺得佢老細無企係員工立場到想,如果今日佢俾松田先生可以唔使返既話,松田先生可能會覺得佢係一個好老細而留下良好印象,但而家的結果是...... 我知好老細世上難求....

ah 嫂好野!!

我就一定拿左佢個電話跟手鬧爆佢

所以廣告成日都叫,在黑雨情況下點樣製定工作安排囉
其實黑雨系"吾一定"代表吾洗返工架

各位師兄師姐~
我一日重係度做，都唔方便講d咩架喇!!
留返比你地同我夫人討論喇!!

唉...........十分明白！

我都試過8號風球，我老闆仲交低d野，叫我做哂先好走，
呢d位真係俾佢吹到"睥"一聲~wan1775465305.jpg^