Lure 重新上色

柏林 發表於 2011-12-20 17:23

                               
登錄/註冊後可看大圖

我只到咁....見笑見笑

嘩! 好靚喎......

好似未上叻架, 定係用左噴罐的透明清油?

若果上厚叻架, 就會有3D效果及較光亮, 起碼從人的角度上看來吸引的......  

用左噴罐的透明清油

等我試下上厚叻架

初頭聽講模型噴罐粒子細, 好用, 就買了一批雙*噴罐, 細細罐容量少價錢貴,
諗到效果好, 都係物有所值的.

點知, 災難就係咁發生左, 支紅色既微粒仲粗過我啲墨屎! 支螢光黃, 自動自覺漏油漏到週圍都係!
唔知係我黑氣過大, 還是手勢不佳?!

後尾係五金舖, 以半信半疑的態度, 賣左埋塗鴉專用"愛妹妹"噴漆,
一試, 不得了, 效果比原要求的還要好!

大家睇前頁圖中最底部隻 duel 125, 其紅頭就是模型噴罐偉大的傑作,
而duel 135全隻都是五金舖貨色, 特別是背部的螢光黃及頭部的螢光橙,
啲魚鐘唔鐘意我就唔知, 但係 I'm lovin' it!

但係上左色, 的色的光澤不夠, 咁就要上叻架,
而厚叻架可產生"離底"(有個模型專用名詞忘記了)效果,
好有3D感, 也好似魚身, 因為魚身表面總有層黏液, 造成同樣的3D感.

但上厚叻架, 同上厚之漆, 係會面對同一個問題,

就係從等乾到定型的期間, 必需使用慢速摩打之類的工具, 以輔助油底平均,
以避免流淚及起縐等問題.

哈, 又錯有錯著, 由於罐叻架巳經使用了多次, 的稀釋物揮發左唔少,
結越來越濃縮, 加埋隻135表面面積較大, 自然地就沾上好厚的叻架, 結果相當狼狽!

因為無慢速摩打, 才發現厚漿會流動的問題, 結果要一路看電視, 一路做人肉慢速摩打!!!
好彩果日又凍又乾, 半個鐘到就定到型, 先至有覺訓......

順帶一提, (其實好多人都知) 油漆最怕潮濕的水氣, 因為啲水氣會跟啲油漆結合,
令到表有層啞白色的薄層, 結果的色不對, 啲叻架又不透明, 仲無左光澤.
所以制作過程及存放待乾期間, 要有個乾燥的環境.......

師兄!!謝分享,學習了......

lym000 發表於 2011-12-24 15:52

                               
登錄/註冊後可看大圖

師兄!!謝分享,學習了......

見笑啦, 拙作.......

謝謝師兄你的回應, 你的回應好重要, 因為係唯一的一個,  
如果連呢個唯一的都無, 好會好傷心, 無信心(分享完, 鴉雀無聲, 鬧吓都好啊.......

師兄>>>

all-kind 發表於 2011-12-28 12:29

                               
登錄/註冊後可看大圖

哦, 師兄你可能誤會左我的意思啦!

我係悶到想有人留言, 好吹下水查, 你睇我出帖, 回帖, 都係打字大贈送 ...

都係驚你覺得冇人注意咁唧……
其實五金舖D噴罐都唔差架，
油底厚夠硬度，仲要大枝夾底用！
至於噴光油問題，
噴得多有淚痕既問題，
可以試下先薄噴幾浸，
等表面有少少乾乾地既時候，
再噴一層厚少少，咁就好容易做到光令而唔漏。

原理就係光油要有流平先會令，
太少做唔到效果，
太多又會漏，
先噴幾浸等佢「杰」少少既時候，
再噴一層厚DD，
杰杰地果層好快吸收左啱啱噴既光油，
就會好快「杰」，「杰」得黎又可以流平，
咁就可以做到好令又唔漏。

TEN69 發表於 2011-12-28 10:45

                               
登錄/註冊後可看大圖

唔好諗住多人回一定係好先得架，
呢個帖係好實用，
重新製作係一個開始，

老實講, 係度出帖, 真係好有壓力架,  自己整啲野實係小吵小鬧......
其實係硬著頭皮, 濫竽充數, 搏吓吹水查......

睇過啲師兄diy, 例如, 其中有扎竿guide, 有翻新魚攪, 做浮標, 真係好pro, 好很震撼!

再睇埋版大DIY竿, 都唔知講物好?!

而家國內咁多細廠進入釣具市場, 但老實講, 佢地啲出品真係比上述等師兄的手作品,
差好幾皮!!!

熙Hay 發表於 2011-12-28 12:05

                               
登錄/註冊後可看大圖

最近買左堆好用的大陸lure, 但某d色又唔係好中意....
正有意想改下色
c兄呢個post幫到我唔少！

係, 師兄, 其實係啲五金舖買到的噴漆, 來來去去都係果兩三間廠出的.....
顏色的#, 等我查看後, 再pm給你.....

至於平價lure, 個人試過, 除非做得好差勁, 否則, 得食率跟大廠, 又唔係差咁遠.....
不過倒係有的要注意的地方:

1) 係金屬位易入水;(用混合膠水或啫哩AA膠水點左貼住魚身果3個金屬位)
2) 因為入水, 啲金屬位會生鏽;(做左 1), 就無 呢個問題)
3) 啲ring好易拉直及生鏽; (買新的/DIY的RING, 換左佢哋, 唔係中魚先出事就......)
4) 啲鈎係相連位(因電焊)好易生鏽;(用混合膠水或啫哩AA膠水點左3隻鈎的相連位)

再者, 因為曾經買隻 OWNE? 80S, 用一次, 肚下面釣位個金屬位入水,
但隻野根本就無撞過硬物, 係拖左條齊魚上來之麻, 話咁易就入左水.
所以, 以後新餌, 都會用上面 1) 既方法, 再成隻沉厚叻架, 除左防水,
又可固色, 而且唔怕一碰石或地面, 就花身見骨........

至於話會唔會影响泳姿, 又唔係好覺, 而且唔做呢個步驟, 都係龜,
都係果句, 最緊要係有魚係附近又開口.........

TEN69 發表於 2011-12-28 10:45

                               
登錄/註冊後可看大圖

唔好諗住多人回一定係好先得架，
呢個帖係好實用，
重新製作係一個開始，

哦, 師兄你好可能誤會左我的意思啦!

我係悶到想有人留言, 好吹下水查, 你睇我出帖, 回帖, 都係打字大贈送,
孤獨老人消磨時間麻, 唔吹水唔精神, 無得吹水企係度都會眼訓!

係啊, 師兄講起, 模型油真係好稀, 正好唔會填左的花紋......

至於噴油的距離對著色的多少及色點的大細, 真係成正比,
不過小弟用模型油, 都係做唔到心目中的效果, 真係要好好再練習吓.

至於提到五金鋪買到的噴罐, 係因為佢地容易買到, 個人覺得效果都唔錯,
所以提供給有興趣的師兄參考.

有個較容易的切入點, 大家才容易入門, 中左毒才慢慢升呢, 真係唔試唔知興趣濃......