本帖最後由 all-kind 於 2012-1-10 12:43 編輯
TEN69 發表於 2012-1-10 12:10
咁靚既風景，行下睇下都已經好夠，魚獲只係錦上添花。
希望偉版大唔好介意, 講起馬記, 我的口水又來分泌........
如果要數風景靚, 就要數向南及向西的位置, 因為景觀開揚,
遠景係上環及西環, 近景又是山又是水, 林木青葱, 係陽光普的日子,
真係好有脫離世俗塵囂既閒情逸緻........
至於魚獲, 久唔久都會有啲嚇人, 例如幾人個輪流都拉唔住, 清杯了事.....
講起堅野, 馬記北灣(污水廠), 入冬日水有幾個坨地阿叔係果度釣或仔,
點知硬係收返黎果時, 成日都係得半條, 有時係得返個頭查!
就係2011最後一日, 中午1點鐘, 有位阿叔又中或仔, 收返黎途中,
突然一搶, 支竿飲水, 人就90度彎腰弓魚, 收絲, 魚又沉, 又90度彎腰弓魚, 收絲, 重覆3幾次之後,
都係徒勞無功, 因為佢幾組野都係大攪粗絲, 偏偏食埋黎係組雞攪及20磅絲, 無得強搶......
既然入石, 阿叔就盤死地拉, 結果一甩, 收返上黎, 居然又無斷絲喎, 隻鈎重鈎住一段仔青虫......
咁我咪話要好好做佢一鑊, 點知阿叔話, 返正都起唔到, "最緊要保或", 真係俾佢吹脹!
佢講緊重係啲2-3兩或仔查!
不過單野都俾到我一啲啟示, 就係生魚仔的吸引好大, 所以拖假餌係好吸引啲魚,
但係拖假餌無得守, 要有機會就不能停手, 所以打沉底, 用生魚仔, 係我的明年目標....
問題係活魚仔買好難買到, 要自己釣都唔係問題, 但多數釣到啲係石狗, 班仔,
呢啲魚得唔得食就唔知, 但係有個重大的問題, 就係佢地會入石, 入左石, 等上千年都無用啦!
其實打沉底的致命問題, 魚仔偷餌唔怪佢地, 但係俾蟹拉入石, 重傻痴痴係度等, 想有運都難!
所以打沉底, 自己一直都堅信, 最首要係保住口餌, 等得到目標魚來到食餌!
|
[複製鏈接]
顯身卡
到時有機會約埋玩吓！
樓主