迷人景致之馬灣

偉~ 發表於 2012-1-10 13:32

                               
登錄/註冊後可看大圖

其實最近都比較少係樓下釣魚....
釣親都係去到無雷公咁遠....
發掘緊新釣場中呢....

咁凍仲有冇黃腳呢？
我果邊都有不過食得勁精口……

TEN69 發表於 2012-1-10 13:38

                               
登錄/註冊後可看大圖

咁凍仲有冇黃腳呢？
我果邊都有不過食得勁精口……

食得精口先好玩麻....
新既一年我重未釣到一條合格魚呢....
立仔就更加釣唔到一條....
只係不斷的...石狗...石狗..石狗,

偉~ 發表於 2012-1-10 13:28

                               
登錄/註冊後可看大圖

師兄我當然不會介意吧....
難得有地膽作嚮導....
我更加高興都黎唔切....

有師兄同行, 可以偷師, 求之不得啦!

其實成個島都係好細啫, 勉強得一條環島馬路,

當你日間認左一次方向, 就真係賣都賣唔甩啦!

關於墳場碼頭, 我叫慣南灣碼頭, 不單止無咁驚駭, 更甚者, 充滿詩情畫意........

果度打沉底有得架竿, 夏秋主要係細鱗, 少量紅鮋, 班, 大尾魷, 而爛肉梭就係常客.

旁邊天然磯石, 即係大排咀, 對住吸水門, 係起買樓魚的神話釣點,

不過自己未起過3指以上的!!!

至於牛欄咀, 早前聽到有人釣到立, 細鱗, 不過對出是淺灘位,

中小型門鱔比較多, 曾經有位師兄話釣到條小腿咁粗既!

上排就唔知, 有啲原住民互相認識, 就會上排釣, 仲話魚獲好好添……..
如果要食魚排條水, 其實有個漁民埗頭, 及旁邊有的天然石位, 都可以試吓,

對望漁排, 距離也不超過100尺!

但自己去過2 次, 連條魚仔都釣唔到!

all-kind 發表於 2012-1-10 15:15

                               
登錄/註冊後可看大圖

有師兄同行, 可以偷師, 求之不得啦!
其實成個島都係好細啫, 勉強得一條環島馬路, 當你日間認左一次方向, ...

大家互相交流下....
我技術都唔係好好..只係學習階段..
細鱗同紅鮋我都好想釣丫....
買樓魚我之前睇過好似唔係係馬灣起呢..
條魚只係係馬灣講數成交..
師兄平時星期幾放假多....
有時間既話一齊釣下....

偉~ 發表於 2012-1-10 19:21

                               
登錄/註冊後可看大圖

大家互相交流下....
我技術都唔係好好..只係學習階段..
細鱗同紅鮋我都好想釣丫....

版大, 好多師兄都係過後先知呢單野, 所以無留意到當日報章的報導,
而小弟都係09年10月底先開始釣魚, 所以都係聽人講起先知.

而早前, 我都還可直接找到生果報的版面, 而家巳經找唔到, 不竟都巳經係 08年既事啦!
而家重允到條LINK轉載, 不過遲啲就唔知, 所以無嫌小弟煩氣, 都係將原文轉載,
等單新聞係度留返條腳毛, 以後要允都容易啲......

順帶一提, 根據報導, 黃唇魚即 黄鰵(音:敏)魚, 而黄鰵魚你可能唔識得, 得係細細個就巳經食緊佢!
來自英國的魚肝油丸, 正正就是用黄鰵魚的肝提煉出來的!



轉載自 http://www.hkwildlife.net/archiver/?tid-28441.html

汲水門黃唇魚上釣價值百萬

三 釣 魚 友 汲 水 門 搏 鬥 90 分 鐘  巨 魚 上 釣 價 值 百 萬

【 本 報 訊 】 「 嘩 ， 你  釣 魚 釣  成 層 樓 上  呀 ！ 」 三 名 釣 魚 發 燒 友 前 日 在 汲 水 門 大 橋 對 開 的 青 洲 灣 海 面 釣 魚 ， 與 巨 魚 搏 鬥 90 分 鐘 後 ， 竟 釣 到 一 條 被 稱 為 「 海 上 鑽 石 」 的 巨 型 黃 鰲 魚 （ 又 名 黃 唇 魚 ） ； 此 魚 非 同 小 可 ， 牠 身 長 有 如 一 個 成 年 人 ， 而 最 令 人 咋 舌 的 是 牠 的 價 值 ， 估 計 超 過 100 萬 元 ， 是 近 數 十 年 來 在 港 捕 捉 到 最 大 的 一 條 黃 鰲 魚 。 釣 得 這 條 罕 見 「 魚 王 」 的 釣 友 ， 可 說 是 「 既 好 彩 又 唔 好 彩 」 ， 因 為 他 們 「 唔 識 寶 」 ， 竟 以 兩 萬 元 賤 賣 給 船 家 。 據 說 船 家 事 後 以 58 萬 元 轉 售 給 海 鮮 酒 家 ， 而 酒 家 再 轉 賣 到 內 地 估 計 有 一 倍 以 上 利 潤 。

三 名 釣 魚 發 燒 友 分 別 是 的 士 司 機 「 阿 植 」 、 不 肯 透 露 職 業 的 「 黃 仔 」 和 家 庭 主 婦 「 米 奇 」 ， 他 們 兩 三 年 前 在 青 龍 頭 釣 魚 相 識 後 便 成 了 釣 魚 拍 檔 ， 經 常 相 約 租 船 出 海 釣 魚 。 前 日 早 上 8 時 半 ， 三 人 在 青 龍 頭 租 了 一 艘 快 艇 出 海 ， 快 艇 由 船 家 根 嫂 掌 舵 ， 很 快 便 到 達 青 洲 灣 開 始 他 們 的 釣 魚 樂 。


用 20 磅 高 壓 魚 絲 釣 魚
據 阿 植 講 述 當 日 情 況 稱 ， 快 艇 落 錨 後 ， 他 們 三 人 和 根 嫂 便 一 起 用 生 蝦 做 餌 落 絲 垂 釣 ， 「 當 時 海 面 好 平 靜 ， 冇 乜 魚 穫 ， 淨 係 釣 到 一 手 掌 咁 大  青 斑 仔 ， 米 奇 就 釣 到 一 條 火 點 。 」 於 是 根 嫂 決 定 起 錨 轉 到 幾 百 米 外 再 釣 ， 至 10 時 半 左 右 ， 水 流 突 然 轉 急 ， 根 嫂 知 道 會 有 收 穫 ， 便 叫 各 人 轉 用 「 大 排 」 和 20 磅 的 高 壓 魚 絲 ， 以 及 改 用 4 吋 長 的 生 麻 蝦 勾  蝦 頭 ， 這 是 釣 大 魚 的 基 本 需 要 。

快 艇 被 魚 拖 行 兩 公 里

不 久 ， 根 嫂 突 然 顯 得 神 色 凝 重 ， 並 叫 各 人 準 備 撈 魚 用 的 「 撈 箕 」 ， 其 他 人 都 知 道 她 已 釣 到 大 魚 ， 同 時 也 是 一 場 人 魚 角 力 的 開 始 ， 黃 仔 說 ： 「 當 時 錨 都 俾 海 底 條 大 魚 扯 郁 ， 根 嫂 即 刻 起 錨 ， 仲 叫 我  幫 手 收 絲 。 」 根 嫂 一 方 面 將 快 艇 加 油 ， 一 方 面 扯 住 魚 絲 ， 順  大 魚 的 拉 動 航 行 ， 人 魚 搏 鬥 了 90 分 鐘 ， 而 快 艇 被 大 魚 拖 行 了 兩 公 里 。
這 時 候 ， 根 嫂 的 丈 夫 根 叔 剛 駕 駛 快 艇 經 過 ， 見 根 嫂 如 此 情 況 立 即 駕 船 泊 近 ， 並 將 兩 艇 扣 在 一 起 ， 然 後 跳 上 根 嫂 的 快 艇 幫 手 ， 由 根 叔 掌 舵 ， 根 嫂 拉  魚 絲 ， 其 他 人 分 站 船 前 後 左 右 ， 作 用 是 將 船 隻 平 衡 不 致 被 大 魚 扯 翻 。
此 時 根 嫂 終 於 將 大 魚 拉 上 水 面 ， 嚇 得 各 人 都 目 瞪 口 呆 ， 「 我 釣  10 多 年 魚 ， 從 未 見 過 咁 大 條 魚 。 」 阿 植 說 。 合 幾 個 人 之 力 一 時 間 都 無 法 用 「 撈 箕 」 將 牠 撈 上 船 上 ， 根 叔 見 狀 即 伸 手 入 魚 鰓 將 大 魚 拉 了 上 船 。
快 艇 事 後 返 回 根 叔 在 馬 灣 的 魚 排 ， 經 過 「 度 高 磅 重 」 後 ， 發 現 這 條 大 魚 重 85 公 斤 ， 長 66 吋 ， 但 三 名 釣 魚 友 望  大 魚 都 不 知 「 牠 是 誰 」 ， 「 呢 條 乜  魚   ？ 」 當 時 ， 根 叔 二 話 不 說 便 數 出 兩 萬 元 現 金 要 買 下 這 大 魚 ， 三 名 釣 魚 友 不 知 就  便 歡 天 喜 地 成 交 了 。 可 是 ， 當 日 傍 晚 ， 這 宗 「 大 割 價 」 的 交 易 便 傳 遍 了 整 個 青 龍 頭 ， 亦 開 始 有 人 在 互 聯 網 上 流 傳 。


58 萬 元 轉 手 賣 給 酒 家
原 來 事 主 釣 到 的 大 魚 叫 做 黃 鰲 ， 有 「 海 上 鑽 石 」 之 稱 。 據 稱 ， 根 叔 買 得 此 魚 後 瞬 間 便 以 58 萬 元 轉 手 賣 給 青 山 灣 一 間 海 鮮 酒 家 ， 酒 家 則 以 一 倍 利 潤 再 轉 買 到 內 地 ， 換 言 之 ， 這 黃 鰲 價 值 超 過 100 萬 元 。 有 人 揶 揄 說 ： 「 嘩 ， 你  釣 魚 釣  成 層 樓 上  呀 ！ 」 阿 植 、 黃 仔 和 米 奇 得 知 事 件 後 ， 仍 抱  阿 Q 精 神 說 ： 「 雖 然 魚 係 根 嫂 釣 ， 但 根 據 慣 例 ， 租 艇 釣 魚 釣 到  魚 都 歸 客 人 所 有 ， 不 過 今 次 我  都 冇 唔 開 心 ， 釣 到 咁 大 條 魚 到  家 仍 然 開 心 到  唔  。 」

鰲 魚 王 檔 案
名 稱 ： 黃 鰲 又 名 黃 唇 魚 （ Chinese Bahaba ）
種 類 ： 石 首 魚 科
重 量 ： 85 公 斤
長 度 ： 66 吋

黃 鰲 小 資 料
識 認 方 法 ： 身 體 側 扁 ， 口 位 於 頭 的 前 端 ， 口 裂 很 斜 ； 體 背 側 灰 棕 色 而 略 帶 橙 黃 色 ， 腹 側 灰 白 色 而 稍 帶 淡 黃 色 ； 背 鰭 邊 緣 黑 色 ， 胸 鰭 有 一 個 黑 斑 ， 腹 鰭 和 臀 鰭 淺 色 ， 尾 鰭 灰 黑 色

周 身 寶 ：
＊ 魚 鰾 曬  可 製 成 花 膠 ， 最 貴 售 價 達 70 萬 元
＊ 魚 頭 的 黃 魚 頭 石 具 利 尿 藥 效 ， 亦 是 名 貴 藥 材

資 料 來 源 ： 《 蘋 果 》 資 料 室

特 稿 ： 「 海 洋 十 寶 」 之 一
黃 鰲 魚 因 含 有 可 製 造 名 貴 花 膠 的 魚 鰾 而 成 為 漁 民 捕 獵 對 象 ， 原 來 在 上 世 紀 20 至 40 年 代 ， 黃 鰲 魚 曾 是 本 港 常 客 ， 更 因 是 大 澳 重 要 魚 穫 ， 故 又 有 「 大 澳 魚 」 之 稱 ， 可 是 因 為 遭 濫 捕 及 本 港 水 質 惡 化 而 令 數 量 銳 減 ， 世 界 自 然 （ 香 港 ） 基 金 會 高 級 環 境 保 護 主 任 朱 炳 盛 指 ， 本 港 並 無 管 制 禁 捕 黃 鰲 ， 換 言 之 有 人 在 本 港 水 域 捕 殺 亦 不 違 法 。
屬 石 首 魚 科 之 黃 鰲 魚 又 名 黃 唇 魚 ， 去 年 名 列 世 界 自 然 （ 香 港 ） 基 金 會 主 辦 的 「 海 洋 十 寶 」 選 舉 之 一 ， 黃 鰲 魚 主 要 生 長 於 長 江 至 香 港 一 帶 南 中 國 海 的 沿 岸 水 域 ， 體 長 最 長 達 兩 米 ， 最 重 達 100 公 斤 ， 較 近 親 黃 花 魚 大 得 多 。 今 日 本 港 黃 唇 魚 的 數 量 已 很 少 ， 不 但 釣 魚 客 ， 就 連 漁 民 亦 難 得 一 見 。

列 極 度 瀕 危 物 種
近 年 本 港 及 內 地 市 場 對 花 膠 需 求 大 增 ， 特 別 是 頂 級 的 鰲 魚 膠 更 是 趨 之 若 鶩 。 朱 炳 盛 續 稱 ， 大 量 需 求 下 令 黃 鰲 魚 遭 殃 ， 他 指 出 由 2000 至 04 年 間 內 地 捕 獲 黃 鰲 魚 數 量 急 跌 6 成 ， 現 時 黃 鰲 魚 雖 已 列 入 《 世 界 自 然 保 護 聯 盟 》 紅 色 名 錄 內 的 極 度 瀕 危 物 種 ， 亦 是 國 家 二 級 保 護 物 種 ， 但 一 日 市 場 仍 有 需 求 ， 黃 鰲 魚 的 災 難 仍 未 了 結 。

黃 鰲 魚 鰾 最 值 錢
【 本 報 訊 】 前 日 落 網 的 魚 王 黃 鰲 魚 ， 周 身 是 寶 ， 花 膠 、 藏 於 魚 頭 的 黃 魚 頭 石 及 魚 肉 都 可 賣 得 好 價 。 有 漁 民 說 黃 鰲 魚 通 常 是 公  一 起 出 沒 ， 今 次 上 釣 的 是 鰲 魚  ， 估 計 鰲 魚 公 仍 留 附 近 水 域 「 尋 妻 」 ， 特 別 是 鰲 魚 公 魚 鰾 曬 成 的 花 膠 屬 頂 級 貨 更 值 錢 、 更 珍 貴 ， 估 計 未 來 數 日 青 洲 灣 海 面 將 有 大 批 漁 船 聚 集 ， 漁 民 積 極 佈 陣 希 望 可 以 擒 下 價 值 百 萬 元 的 鰲 魚 公 。

具 滋 養 肝 腎 陰 功 能
飲 食 業 界 傳 言 ， 頂 級 黃 鰲 魚 公 花 膠 售 價 可 達 60 至 70 萬 元 ， 安 記 海 味 有 限 公 司 總 經 理 潘 權 輝 指 確 有 其 事 ， 但 他 自 己 並 無 出 售 這 種 超 貴 花 膠 ， 港 人 識 飲 識 食 ， 過 去 5 年 花 膠 銷 量 的 確 激 增 3 成 ， 其 實 花 膠 有 平 有 貴 ， 一 般 每 斤 售 價 由 300 元 到 2 萬 元 都 有 。
花 膠 （ 即 魚 肚 ） ， 名 列 「 鮑 、 參 、 翅 、 肚 」 中 國 四 大 珍 品 之 一 ， 潘 權 輝 指 花 膠 可 入 饌 ， 對 胃 潰 瘍 及 婦 女 月 事 血 崩 有 效 ， 至 於 香 港 中 醫 師 公 會 會 長 關 之 義 亦 稱 ， 花 膠 富 有 膠 質 ， 具 滋 養 肝 腎 陰 功 能 ， 黃 鰲 魚 公 花 膠 更 是 頂 級 極 品 。
關 之 義 續 稱 ， 同 時 藏 於 魚 頭 的 黃 魚 頭 石 亦 具 利 尿 、 去 濕 及 排 石 功 效 ， 因 稀 有 而 成 為 名 貴 藥 材 。 至 於 從 西 醫 角 度 ， 花 膠 含 有 高 級 膠 原 蛋 白 及 豐 富 骨 膠 原 ， 其 中 蛋 白 質 含 量 達 8 成 ， 脂 肪 不 足 1% 。



小道消息:
後來馬灣一位漁民提起單野, 佢話因為相關漁民轉賣條魚前, 都估唔到去到咁好價錢,
因為幾拾年先有一條上水, 價錢真係好難講......

仲話, 最後都有補水給幾位釣友, 係補拾拾聲咁話.......

偉~ 發表於 2012-1-10 19:21

                               
登錄/註冊後可看大圖

大家互相交流下....
我技術都唔係好好..只係學習階段..
細鱗同紅鮋我都好想釣丫....

係啊版大, 大細鱗(2尺長6-7斤到), 今年係馬灣都有師兄起幾條,
大紅鮋(講緊5,6,7,8斤)又有人起到幾條, 大部份都係坨地阿叔起既,
好少係外人起到, 其原因, 小弟之前巳分析過........

不過呢啲魚種都要等上幾個月後才當做了, 今年真係要的起心肝, 整返幾條!

呢幾個月, 果度都係摶吓黑立, 牛屎, 花鱸, 星鱸, 大尾魷, 針墨, 好似都無物其它啦.......

好啊, 約埋一齊啦, 等學生帶路, 去南灣, 偉師兄係玩磯, 定係打沉底?
果度FIT魷都得架......

至於出動釣魚時間, 小弟係星期一至星期七都得, 閒日就係收工後, 釣夜水,
週未日就釣晚黃及夜水......

不過呢排好少出動, 龜得多, 人都謝哂......

all-kind 發表於 2012-1-11 10:41

                               
登錄/註冊後可看大圖

係啊版大, 大細鱗(2尺長6-7斤到), 今年係馬灣都有師兄起幾條,
大紅鮋(講緊5,6,7,8斤)又有人起到幾條, 大 ...

基本上我隻隻釣法都想玩下....
但係就隻隻釣法都唔精....
其實如果可以既話我想玩路亞呢....
因為套架生買左返黎幾年都無咩釣過同無中過魚....
見師兄對路亞有研究...所以想請教一下..

偉~ 發表於 2012-1-13 08:44

                               
登錄/註冊後可看大圖

基本上我隻隻釣法都想玩下....
但係就隻隻釣法都唔精....
其實如果可以既話我想玩路亞呢....:e ...

版大咁講, 小弟會折福架!
咁啱我又都係樣樣釣法都想玩吓, 敝在樣樣釣法都好鬼屎......

我成日都打龜, 不過就係夠哂得閒, 上得山多終遇虎, 出得海多偶起魚.......

香港的岸邊, 日水真係無物野拖吧?!
最好都係黃昏先開拖, 唔好話夏秋紅鮋及班,
就係而家花鱸, 都要近黃昏先開始活躍, 而打水都係黑齊之後既事.......(我諗)

all-kind 發表於 2012-1-13 10:24

                               
登錄/註冊後可看大圖

版大咁講, 小弟會折福架!
咁啱我又都係樣樣釣法都想玩吓, 敝在樣樣釣法都好鬼屎......

師兄又點解會折福呢....
其實叫我阿偉就可以啦....
其實當初做見集版主只係想為網站出一分力....
我的釣技同樣係咁屎呢....
所以有請師兄指點指點噢....

偉~ 發表於 2012-1-13 15:07

                               
登錄/註冊後可看大圖

師兄又點解會折福呢....
其實叫我阿偉就可以啦....
其實當初做見集版主只係想為網站出一分力....

偉兄真係太謙啦! 無哂你辦法!

就等小弟帶路, 等偉兄集齊馬灣環島的風景, 釣情, 使呢個帖成為上馬必讀天書吧!