(給新釣友的) - 立即增加中魚率 : 使用正確的釣組

岩岩玩完蝦杆賽，識左幾個新釣友，其中更有一位係完全未玩過。由於當時時間不足(其實係我爛釣)，所以未能好好介紹一下台釣的線組比果位師兄知道，再加上我發覺有很多新釣友都不約而同係釣組上都犯了一個很嚴重的問題，所以這裡就重點介紹一下台釣的釣組

(台釣的釣組千變萬化，我介紹的這個不一定適合全部人，而且當各位玩得愈耐就會發展出自己既一套釣組，所以我介紹既係屬於參考，新釣友可以由這個教學開始，慢慢再演化自己的一套釣組)

(依版教學係一個重點教學，先決條件係假設你已經對釣魚有小小小小的認識而製作的，如果你完全未接觸過釣釣魚，不清楚什麼是主線，子線，8字環等等，歡迎隨時PM我，有機會我亦會製作一套更全面的教學)




上釣組的流程共有四個

1.STEP1:主線打一個雙結，連接杆頭繩，然後量度主線長度，以齊杆(同支杆一樣咁長)為標準
2.STEP2:做浮標坐，先上2粒太空豆，再上浮標坐，再上2粒太空豆
3.STEP3:做快扣(快速別針)。挷一個合適的結，增加挷結位的強度
4.STEP4:做子線。技術只能慢慢從經驗中進步，但正確的釣組只要3分鍾，就能得到立竿見影的效果




STEP1:杆頭繩結

片中介紹的杆頭繩結是常用的一種，受力強度十分好，又可以方便回收下次重用

STEP2:做浮標

做浮標依PART冇咩大技巧，2粒太空豆-->浮標坐-->2粒太空豆
上太空頭時可用水濕一濕主線，咁樣冇咁傷線
唯一技巧係太空豆唔好把浮標坐夾死，要留1-2MM空間




STEP3:挷快扣

快扣(快速別針)有分兩邊密口和單邊開口兩種，一般用快扣都係會用單邊開口(如圖示)，然後再配合挷上子線的膠圈使用
片中介紹的快扣挷法是一種很堅固的挷法

STEP4:子線



很多新釣友都有這個通病，兩條子線長度相同，這樣是會影響中魚率的
一長一短的子線暫時是公認為最理想的台釣子線線組
上勾和下勾的勾距應該在1.5-2.5勾之間(勾距=兩勾的距離，例如勾距2勾=上下勾之間格開2隻勾的長度)

這樣就可以挷到每條勾長一樣的子線

好詳盡

hideson,係時候要拍教學片喇,大家夾吓時間...好嗎??

naobao 發表於 21/8/2013 13:09

                               
登錄/註冊後可看大圖

hideson,係時候要拍教學片喇,大家夾吓時間...好嗎??

當然要啦，一齊搞好D，一個人好Q辛苦又寂寞

頂佢個制我搞依版野拍片剪片後期，已經事狗爛但亂執就算
都搞左2個晚上通頂，都係大家一齊搞好D

十分有用，謝謝

naobao 發表於 21/8/2013 13:09
hideson,係時候要拍教學片喇,大家夾吓時間...好嗎??

爆叔，整返個台釣深造班, 等有D有基本認識既人明白多D!
眼看網站攪了很多活動, 好多人既基本功都不好, 好想改善一下

多謝分享!! 辛苦晒, 師兄!!

請問點解要用四粒太空豆, 兩粒唔係夠咩!?
謝謝!

FELIX009 發表於 21/8/2013 20:16
多謝分享!! 辛苦晒, 師兄!!

請問點解要用四粒太空豆, 兩粒唔係夠咩!?

四粒可以防止因中魚後衝力令太空豆移位

man629 發表於 21/8/2013 20:33

                               
登錄/註冊後可看大圖

四粒可以防止因中魚後衝力令太空豆移位

明白了!!
多謝指教!

FELIX009 發表於 21/8/2013 20:16
多謝分享!! 辛苦晒, 師兄!!

請問點解要用四粒太空豆, 兩粒唔係夠咩!?

除左可以令標坐唔會走位，係浮標使用上都有作用，多出的太空豆可以作為釣目同釣目之間轉換既標記
依樣比覆覆雜，要由調標講起，有機會再開新版分享