20cm約章

20CM約章
我地成日都將濫殺掛係口邊,又埋怨政府無好似外國咁立法禁止釣捕某長度以下嘅魚種。
可是,講哩句話嘅人,有幾多都係等立法後至會去做;
亦或,就算政府唔立法,我地都一樣可以自律去執行呢?
但有趣的是,就算自律,有時我地都好似等人立法叫我地自律後,我地先至有動力去自律。
無論點,我相信有好多人都好有興趣知道究竟有幾多人真係會自律呢?
25cm...,某程度上都幾難全面推行。
因此,我地以淺入深,先行以下列8種目標魚建立一個"所有內叉20cm或以下之魚穫必須放生"之約章:
立魚、黑毛、幽面、雞魚、火點、紅油、細鱗、GT。

哩個唔係一個投票,唔係諮詢大家贊唔贊成放生20cm以下嘅魚。所以無須討論得失正負。
哩個係一個約章,係大家喺一個無法律約束性環境下,時刻警場自己自發及自律地去維護一個規條。
如果釣友覺得自已加入約章都做唔到嘅,就千萬唔好加入呀!
香港魚樂網嘅人,唔係齋講唔做,唔係連少少嘢(20cm或以下嘅幾類指定魚種)嘅自律都唔敢承諾,仲枉論話點去保育。
所以,就算有人講明唔加入,總比加入左唔去做好。
自律嘅嘢,我地做到,唔代表別人做到。
今日做唔到,唔代表明日做唔到，到做到至加入囉。

[ 本帖最後由 朱記 於 2008-11-23 10:55 編輯 ]

我想知投了不願意接受的網友
點解會投不願意呢

唉...呢個係個沒完沒了既問題...講極都講唔完...只要不濫捕...取己所需...任何size都冇問題啦*係咪

其實哩個只係一個自律性既帖子,無真正約束力.
只係俾大家一個了解,每個人都有一個本身既觀點及需求.
到幾年後,再出同一個帖,可能今日投反對票既釣友,已經轉左呔呢.

ok  20cm

某些可以長得更大的魚種，其實可以讓他長得更大，才考慮是否食用。

泥鯭石狗, 有需要咪拎返去食囉......

十卜十卜....

依樣野....各人自律啦....投票....投左願意的也未必會做....
都係果句"不要濫捕...取己所需..."!

大家都知道,有某D魚種,可以去到好大條
但有D就大極有限
20cm約章只不過是一個警惕
其實不論大小魚種,都有佢的成長期,不要在牠的成長期間拿去食用
其實泥鯭石狗一樣可以大到20cm,只看大家有沒有心而已

[ 本帖最後由 華少 於 2008-11-22 02:42 編輯 ]

華少... 呢個只係一個個人對自己承諾嘅約章~
願者守之~ 何苦又求知咁多呢??
我相信才哥嘅意思係... 先做好自己!!

所以, 我係度承諾自己, 願意守之!! 直至永遠!!