20cm約章

king sir,
你講得啱.
哩個唔係一個投票,唔係諮詢大家贊唔贊成放生20cm以下嘅魚。所以無須討論得失正負。
哩個係一個約章,係大家喺一個無法律約束性環境下,時刻警場自己自發及自律地去維護一個規條。
如果釣友覺得自已加入約章都做唔到嘅,就千萬唔好加入呀!
順道亦都俾來自各地各界瀏覽香港魚樂網嘅人仕知道,哩度嘅人,唔係齋講唔做,唔係連少少嘢(20cm或以下嘅幾類指定魚種)嘅自律都唔敢承諾,仲枉論話點去保育。
所以,就算有人講明唔加入,總比加入左唔去做好。
自律嘅嘢,我地做到,唔代表別人做到。
今日做唔到,唔代表明日做唔到，到做到至加入囉。

我投咗反對票，這唔係代表唔支持而係何以下調size20cm！
我覺得先要讓一些新手或可能唔知，謂何要放生小魚的釣魚人知道其真正意義！
放生細魚不是對付弱者或表示自己仁者表現。
真正意念目的係想將一些未生長到有生殖能力的小魚回歸大海，讓其有機會生長到有能力開枝散葉，這樣為之目的。
20cm 一般我地目標魚種成長期都未達到能夠產卵的体型，何必殺之？
以及有些魚種大到上某程度都應該要放生，一來唔好食再者有些雌雄同体魚類要生長到某程度才轉性別。
最近睇咗一段自然基金影片亞e健問咗條問題，問題係..以前香港好多海膽之後越來越少！因為水質污染。
但現在水質經已改善，海膽數目越來越多及多到失去平衡，點解？
因為我地個海洋魚類越來越少，已沒有足夠食海膽魚類及大魚去食這些海膽，這表示食物鏈已經失衡了！

哩度好自由嘅,如果你覺得25cm先至啱嘅,大可以開個"25cm約章"俾大家加入自律。
老實講,三斤嘅立魚我放過,三兩嘅立魚我放過,但我絕對做唔到100%放生25cm或以下嘅魚。既然做唔到,我就唔會咁真小人、偽君子叫人去做,所以、只可以設定係一個自己可以100%做到嘅20cm或以下。
不過,如果有人開個25cm約章,我只係唔會加入,但就唔會話反對。因為我只係唔能夠100%做到。如果反對,就意味我100%唔去做。
其實係哩個濫殺文化根蒂固既地方,由無到有既進程係極之艱難.唔通下下野真係要等立法咩!哈哈!

這樣吧！擦除"我不會遵從"一項吧！
只可選一項" 我願意成為20cm或以下魚穫必須放生約章的一份子. " 加入不喜勿進等等字眼可能好d喎！

原帖由 yamamoto 於 2008-11-22 17:19 發表

                               
登錄/註冊後可看大圖

這樣吧！擦除"我不會遵從"一項吧！
只可選一項" 我願意成為20cm或以下魚穫必須放生約章的一份子. " 加入不喜勿進等等字眼可能好d喎！

都啱架.無理由俾個氹人踩既.
thank you.

我有一點提一提大家參考，小魚中勾入扣，如果無傷及內臟及出血，請剪絲放回大海即可，魚體有勾及魚絲魚自已可以自行排出而存活，及勿想用止血鉗從魚口深處拔勾出來，這只會令魚流血死亡的機會大增；但如有出血或傷及魚鰓出血，放回大海一樣大機會會死，所以可以先留起養一會，察看看有無機會魚自已止血回生(但大部份都會死)，如無法回生就帶回家煮食，切勿放在釣場水池，由牠自生自滅喔！

Fully Support!!!!!!!

朱記對保育果真不遺餘力,
正所謂行船爭解纜,剛剛有台出完向船磯say no約章..
朱記就整番個20cm約章,保育之心積極進取..
不過有少少意見....
對此項(順道亦都俾來自各地各界瀏覽香港魚樂網嘅人仕知道,哩度嘅人,唔係齋講唔做,唔係連少少嘢(20cm或以下嘅幾類指定魚種)嘅自律都唔敢承諾,仲枉論話點去保育。)
有多少保留....睇見朱記咁寫感覺好似要為左比人睇先至去承諾,保育既野我本人就覺得應該發自內心,冇話敢唔敢,又唔係做show比人睇...
放生既野應該從教育觀念開始,最重要係唔好浪費,唔通條魚上到黎入晒扣噴晒血都就咁放番落海咩...
所以我冇立約...我放唔放生係視乎唔同既因素,可否會食用...
始終自覺保育對釣魚人來講,最重要係有切勿濫殺,不要浪費既觀念...
如果存心計較魚鑊大小多寡...幾多cm以上已經變得毫無意義

原帖由 bennychn 於 2008-11-23 07:19 發表

                               
登錄/註冊後可看大圖

朱記對保育果真不遺餘力,
正所謂行船爭解纜,剛剛有台出完向船磯say no約章..
朱記就整番個20cm約章,保育之心積極進取..
不過有少少意見....
對此項(順道亦都俾來自各地各界瀏覽香港魚樂網嘅人仕知道,哩度嘅人,唔係齋 ...

同意!同意!
已稍作修改.
一個人只可以行一小步,
所有人才可以行一大步.
多謝高見.

I   do ..........