芝士牛油燴伊麵

大概 2 人份量。

龍蝦 1 斤 (或斤零，好少機會剛好買到 1 斤，唔用龍蝦可以用大蝦)
牛油 (多少視乎個人口味)
芝士 2 件
伊麵一底 (大食o既就買大底，細食就買細底)
花奶少許

龍蝦請魚檔伙記代"湯"，大隻就斬件，乳龍蝦就開邊。
(要注意龍蝦"湯"好後要盡快煮，因為蝦頭好易變黑，如果要保持蝦頭不變黑，可以用些鹽水浸住 d 蝦)。

龍蝦先走油至8-9成熟，伊麵煮至軟身 (煮伊麵的水可以加些鹽，或雞粉，令伊麵好食 d)。伊麵煮好後撈起，隔乾水份放在碟內。

用慢火將牛油及芝士煮溶，加糖，鹽調味，再加些花奶，將龍蝦放埋落去個牛油芝士汁到煮至全熟，跟住 1 飯碗水加 2-3 茶匙生粉，埋個生粉獻 (因為有伊麵，所以個獻要大些)，完成後將全部倒進已放有伊麵的碟內，搞掂，開餐

好似幾易整喎..帶去釣魚食得唔得呢

好野! 我最鐘意食呢味野既啦, 正呀, 我明天要自己試下!!!!!!!!!!!!!!!

外賣..唔該師兄..加帶子,象笨邦,包魚...咁多先啦