2009/07/22管理工作討論

各位,
我會由此帖開始,不定期按需要將遇到之管理工作問題發帖與各位手足分享研究吓,我亦會就一D問題提出基本方案,希望各位盡量俾吓意見!!
帖內討論的議題,有部份係我日常管理對網站的了解及展望,有部份係網友意見反映,但我強調,小弟絕對唔係陰謀論者,向我反映意見人士有部份我認識,有部份我唔認識,亦不知其身份,我明白,可能有部份意見,各位可能會感覺會有針對成份,呢種情況我唔敢話無!!但小弟做人做事風格喜歡簡單事情簡單化,無謂容人自擾,甚麼人士甚麼身份亦唔重要,亦唔會去花時間去追查研究,事實係問題就去解決面對,不是問題就不管!!希望各位都客觀去睇各項議題,客觀俾D意見!!

我們需要一個甚麼網站??
呢個係小弟最近小小睇法想同各位分享,網站生命生力喺邊??釣界業界都好關心,大家同我作為以釣魚為興趣嘅人,相信都唔想見到越來越少人加入呢個世界,如何吸引多D去玩就係我最花腦筋諗嘅問題,當然多D新人加入魚樂網亦係我更關心嘅問題,黎到今時今日,世界已經變左好多,就算短短兩年時間,亦睇到好大嘅變化,新手亦已唔滿足做一位被動者,需要亦唔只侷限發問題,睇料咁簡單,我諗如果你地係有小朋友嘅都會好了解!!
如何滿足佢地(年輕一輩嘅新手),如何俾佢地參與,如何俾佢地發表意見,發揮睇法,非常重要,唔係話舊一套無用,但不適時配合轉變,係會不知不覺走入歷史!!所以往後網站整個管理方針會因應呢個需要而調整,具體會有以下幾項重點方向...
如何鼓勵新手幫忙回帖解答問題??
整個網站型態如何"討好"(可能呢兩個字唔係幾好聽)此族群??
各項專題釣法要如何重新包裝一吓??
網內活動等如何配合??
最重要一點,年輕人細路仔唔同大人,思想並不成熟,亦唔會理解你背後咁多原因,所以公平公正對於現在及未來管理更加重要!!

有關各版置頂,高亮設置及評分準則
為公平公開透明化管理,呢點我諗係需要向外公報有關處理細節,但我不打算統一整個網站準則(罰則方面,網站守則內已有註明如何做,各位請抽時間了解),各版主所管理版區可以獨立製訂合適準測,之後向外公報!!

管理人員特權疑問
各位覺得網站管理人員需要特權嗎??特權者...有別於一般網友的對待...呢個問題我暫時無標準睇法,不過管理權限並唔係特權係有守則所規範,當有網友提問,觸及此點如何處理??我個人會咁睇...睇需要,正如有D網站會有VIP級別,有D網站會有貴賓對待,每處目標不同,如果平常只係小猫三兩個上黎就無乜所謂,但作為面向群眾,好值得諗諗,有一點係事實,管理人員出心出力係絕對需要尊重,但千萬唔好理解為無人質疑應否有特權!!為何處理方式會與一般網友不同...等等問題,而且...我諗呢個年代,一般人都呢D現象都係比較反感,所以要小心處理,先聽聽各位意見...

版主需要工作報告嗎??
其實我所做嘅工作報告主要係做一個問題清晰交待,版主方面需唔需要,我諗由大家各自決定,有需要可於各版內出帖,內容唔一定係問題交待,任何關於版務,內容規劃,動向,活動...等等皆可!!

管理人員遇到挑戰,如何面對??
簡單D講俾人吋要如何處理,當然最好就係無乜反應,按守則做事,不過我了解,始終大家都係人,有呢D情況請盡量冷靜,萬勿筆戰!!
有一件事絕對重要,千萬千萬千萬不要搵人幫拖圍插!!此乃絕對幼稚行為,與爛仔無異...如有發現他人主動幫手,亦請即時制止!!

提昇管理權限
其實早期亦已打算提昇管理權限,想將版主級別提昇為超版權限,不過有一點擔心...
超版權限無錯係可以跨版管理及分擔我一部份工作,對於各位平時要搵食嘅手足,係可以互相幫忙,但各人有各人有不同處事風格,就算小弟亦曾因處理呢D問題差D鬧出意見,我絕對唔想有呢D情況出現,所以到依家我仲未決定點做,近期亦有手足十分體諒小弟,再次提出建議,我暫時有幾個睇法,希望大家研究吓...
一...按原來方案,版主提昇至超版權限
二...由現有版主轉職至獨立超版位置
三...由外面再找合適人選

請教釣技問題
最新有網友私下向我請教釣技問題,我自己就覺得好攪笑,因我都無乜資格講,所以請佢回到帖內討論,如果各位都有此經驗,請大家都同我一樣處理,私下答只能幫一人,帖內講就多人得益!!

管理人員工作指引守則
我正更新"管理人員工作指引守則",完成後亦打算同步向外公報,此舉只係貫徹公平公開管理原則,如各位有任何意見,請隨意提出!!

真係辛苦爆爆, 勞心勞力, 現在消化中

1. 我們需要一個甚麼網站??
我同意...

2. 有關各版置頂,高亮設置及評分準則
我認為該版公共題目... 才高亮/置頂... 最好設定時限... 評分就好個人啦...
我見到唔係一地死屍我都會鼓勵一下... 我唔係RELEASE 原因... 而係一地死屍係唔係釣KA... 哈哈...

3. 管理人員特權疑問
我地已經有特權就係加分扣分... 同埋被人叫聲大大... 好夠啦...

4. 版主需要工作報告嗎??
有需要既... CASE BY CASE ... 網主要求吧...

5. 管理員遇到挑戰,如何面對??
收到...

6. 提昇管理權限
明白
二...由現有版主轉職至獨立超版位置

7. 請教釣技問題
同意... 我都叫人出POST 好D

8. 管理人員工作指引守則
明白

問題２
高亮或置頂，對於筏釣版來講，是比較少出現，除了版區比賽，一些較有義意的ＰＯＳＴ才決定是否高亮或置頂，而評分真係好個人。。。

問題６
建議方案２

其他問題
無意見

我們需要一個甚麼網站?
一個能為廣大網友, 不分男女老幼, 高手新手, 能夠互作釣技交流, 研討的平台。在管理上, 只要公平, 公正, 處事亦無需過嚴, 言詞上亦不要令人感覺難以接受, 只謂: 己所不欲, 勿施於人。當然, 國有國法, 家有家規, 網上平台须亦有自立規條, 但能得過且過, 有容人之道, 何樂而不為?

置頂, 高亮, 評分............
置頂, 高亮, 扣分......乃各版主特權。置頂帖子應該是有關釣技, 釣具及廣大網友所需資訊, 而非一般方便自己訊息。設置高亮亦應設有時限。

特權疑問
在上文已有提及版主特權.............亦不再多加意見。

版主工作報告
除去在你或其他版主要求下作出事件交待及存在問题, 我真想問聲你還要什麼報告?

遇到挑戰.............
自 08 年初在本網登記為成員之一, 再改任飛蠅版版主一職, 這一年多, 所見所聞, 有趣及或激氣之事, 多不勝數, 在個別版中, 不論男女......有大話西遊, 筆戰, 圍攻, 誹謗........等等。以上種種亦從未有在飛蠅版發生過! 真係飲得杯落!
在我而言, 事件發生在其它版面, 雖謂, 事不關己, 己不勞心！ 非己之事, 如多加一句, 亦可能會令激戰加強。 在權限上亦不願令其他版主不快, 欲言亦止。
我只覺得在言語間, 大家能互相尊重, 惋轉些少, 當會大事化小, 小事化無!


提升管理權限
應在現有版主中提升..........................亦需要其他版主認同, 方能合作娛快!

釣技問題
最好不作私下回應, 有遺網站宗旨!


以上為本人小小愚見, 不喜勿插!







!

我們需要一個甚麼網站??

T: 都係個句，一個包容，平等，自由嘅網站。

如何鼓勵新手幫忙回帖解答問題??
整個網站型態如何"討好"(可能呢兩個字唔係幾好聽)此族群??
各項專題釣法要如何重新包裝一吓??
網內活動等如何配合??

T: 無意見

最重要一點,年輕人細路仔唔同大人,思想並不成熟,亦唔會理解你背後咁多原因,所以公平公正對於現在及未來管理更加重要!!

T: 無必要分，遊戲規則清楚簡單就得啦。

有關各版置頂,高亮設置及評分準則
為公平公開透明化管理,呢點我諗係需要向外公報有關處理細節,但我不打算統一整個網站準則(罰則方面,網站守則內已有註明如何做,各位請抽時間了解),各版主所管理版區可以獨立製訂合適準測,之後向外公報!!

T: 無意見

管理人員特權疑問
各位覺得網站管理人員需要特權嗎??特權者...有別於一般網友的對待...呢個問題我暫時無標準睇法,不過管理權限並唔係特權係有守則所規範,當有網友 提問,觸及此點如何處理??我個人會咁睇...睇需要,正如有D網站會有VIP級別,有D網站會有貴賓對待,每處目標不同,如果平常只係小猫三兩個上黎就 無乜所謂,但作為面向群眾,好值得諗諗,有一點係事實,管理人員出心出力係絕對需要尊重,但千萬唔好理解為無人質疑應否有特權!!為何處理方式會與一般網 友不同...等等問題,而且...我諗呢個年代,一般人都呢D現象都係比較反感,所以要小心處理,先聽聽各位意見...

T: 我當自己係阿四咋，一邊講平等一邊要特權玩咩？不過人地暗諗我控制唔到，都無必要逐個解釋。

版主需要工作報告嗎??

T: 無意見!!

管理人員遇到挑戰,如何面對??
T: 無意見

提昇管理權限
其實早期亦已打算提昇管理權限,想將版主級別提昇為超版權限,不過有一點擔心...
超版權限無錯係可以跨版管理及分擔我一部份工作,對於各位平時要搵食嘅手足,係可以互相幫忙,但各人有各人有不同處事風格,就算小弟亦曾因處理呢D問題差 D鬧出意見,我絕對唔想有呢D情況出現,所以到依家我仲未決定點做,近期亦有手足十分體諒小弟,再次提出建議,我暫時有幾個睇法,希望大家研究吓...
一...按原來方案,版主提昇至超版權限
二...由現有版主轉職至獨立超版位置
三...由外面再找合適人選

T: 你直頭要搵人救啦，main point係遊戲規則要清晰簡單。管理風格先唔會有大分別（A版同B版都唔同style叫人點適應？唔噪先有鬼啦）我投（二...由現有版主轉職至獨立超版位置)

請教釣技問題
T: 無意見

管理人員工作指引守則
T: 無意見!

我們需要一個甚麼網站?
魚樂網而家型態同主流網站差唔多, 都係聚腳吹水多.
老手去出帖, 新手就問你喺邊度釣到, 漸漸變成資訊網.
我亦有見過有釣網嘅方向係出擊為主, 梗腳一班個個禮拜有局.
我地魚樂網人就多, 但都係齋吹唔做多. 好自然有人會話小圈子亦係無可避免!
網站方向好多時係睇番群眾取向.

1 :如何鼓勵新手幫忙回帖解答問題?
上面講過新人都係攞料為主, 回帖解答問題係好講心態同自發性.
唯有加分鼓勵呢個方向我覺得可行.

2 :整個網站型態如何"討好"(可能呢兩個字唔係幾好聽)此族群??
用 [迎合] 啦.
都係睇番群眾取向. Demand and Supply.
睇番最多人問嘅係釣點, 船家而唔係釣技.

3 :各項專題釣法要如何重新包裝一吓??
作為本地高知名嘅網站我地型像已經好靚仔,
各版都有自己特色同人腳.
有冇諗過搞 Team Spirit, 隊衫, 隊帽. 跟番各版主題顏色.
比版主同埋一啲活躍會員, 但唔係叫佢地代表魚樂網, 係比佢地多啲團隊感同歸屬感..
(唔係送, 係好似魚樂尺咁買. 大家可見魚樂尺係幾咁受歡迎.)

4 :網內活動等如何配合??
活動我都參與過同搞過, 真係勞心勞力.
坦白講搞釣局活動暫時都係小圈子, 咁多會員大部份都係遊客,
要搞得好冇得急, 先要從基礎開始. 要聚到一班人要長花啲時間.
比如話由版主同埋一啲活躍會員開始搞吓釣局,
有咗班底先有擴展空間.
又或者由老爆你 (你fans多嘛) 搞啲同釣魚相關嘅主題活動,
唔一定係釣魚食飯, 亦唔需要分版區.

5 :年輕人細路仔唔同大人,思想並不成熟,亦唔會理解你背後咁多原因,所以公平公正對於現在及未來管理更加重要!!
非常同意, 各位版主都唔係細路.
作為管理層絕對要好公平公正對, 仲要EQ 高.

有關各版置頂,高亮設置及評分準則
呢個題目好難定準則,
好似選美咁, 各花入各眼. 選出邊個都有野講.


管理人員特權疑問
致於特權者...有別於一般網友的對待:
呢個確實係外界對我地一班義工嘅睇法,
其實而家各版主都唔係有咩特權,
都係多啲分加比人, 同修編違規內容為主. 大家都係跟守則做野.
我睇唔到有邊位版主有坐大或者出位行為而網主係唔理, 仲幫埋手去打壓. .
網友質疑是否有特權時好難三言兩語講得明,
我地只不過同學校啲 [風紀] 冇咩分別, 你地小息去踢波嗰時, 我地要站崗.
就算將來真係安排有個另人仕擁有特權都唔一定要解話,
網站點樣營運, 型像, 取向, 團隊管理, 遊戲規則等都係由營運者訂立,
就算要回應大眾要求高透明度都唔使除哂衫褲比你睇.
我覺得都係一句: 大公無私, 公平公正.


版主需要工作報告嗎??
工作報告我覺得比網主睇就夠啦,
關於版務,內容規劃,動向,活動...等等, 最好大家各版同網主傾好一個共識先公布, 咁對網站型像會統一啲.


管理人員遇到挑戰,如何面對??
基本上係唔使理佢.
我都試過忍唔住開聲閙過人, 但係內容都係重申網站守則為主.
開聲回應冇問題, 只要申明守則而唔係幔罵圍插.

提昇管理權限
致於超版管, 跨版管理難度比較高啲,.

1 :按原來方案,版主提昇至超版權限
   可行. 但跨版管理可以去到咩地部要小心厘訂, 如果各版主之間溝通埋解唔夠, 好易出事.
   由於各版之間一向都係獨立性比較高, 各版版主亦唔多見面,
   各人亦有其觀點, 處事手法同性格等復雜因素, 所以最好所有版主一齊開會傾好哂先, 以免日後有爭拗.

2 :由現有版主轉職至獨立超版位置
   要搵一個德高望重, 又能服眾. 釣魚唔使最叻, 最緊要得閒. (我睇一個版都要日日爬文.)
   基本同選一個門派嘅新掌門人一樣. 舊掌門想佢好打得揚威武林, 定係想佢處理內部教務, 咁人選方面就好唔同.
   一個可能唔夠, 明教都有左右光明使, 四大護法, 五散人, 五行旗. 有職級體制.
   我地未有咁大, 職級可以遲啲先諗.

4 ;由外面再找合適人選
   唔係咁好, 好易會做成分化.

請教釣技問題
所謂文無第一, 武無第二.
特別釣魚係各施各法嘅遊戲, 教就真係唔敢, 回到帖內討論係大路.

管理人員工作指引守則
好似法庭判案咁, 法官都要睇判刑指引同時參考先例. 起刑點及最高刑罰.
有個完整嘅 "管理人員工作指引守則" 當然係最好啦.

以上小弟愚見, 各位可隨便回應討論.

如何鼓勵新手幫忙回帖解答問題??
新手甚少回帖解答問題既原因,我諗好大機會係怕答得唔好或怕惹來其它評語,或缺乏心,,
加分,回覆,讚賞就係最大既鼓勵,除咗版主們要投入下呢類PR工作外,亦需其它網友配合(唔讚都算,唔好彈)
係咁現實架啦,人就係鐘意俾人讚架喇..不過切忌誇大
整個網站型態如何"討好"(可能呢兩個字唔係幾好聽)此族群??
好難諗
各項專題釣法要如何重新包裝一吓??
未諗到網內活動等如何配合??
直接定期搞新手團,最好可以有釣友捐出一D舊釣具,供新手試玩,咁可能會吸引到D又想試但又唔想俾舊$$先買釣具既人

有關各版置頂,高亮設置及評分準則
唔需要统一準則,但要有共識,,,例如內容正面,有意既帖置頂時間長D都仲得
管理人員特權疑問
特權呢樣野,最緊要用起上泥對事唔對人,粉爺話齋,公平公正..
管理人員遇到挑戰,如何面對??
避重就輕,忍一時,風平浪靜
好言相勸,切勿硬碰
提昇管理權限
其實早期亦已打算提昇管理權限,想將版主級別提昇為超版權限,不過有一點擔心...
超版權限無錯係可以跨版管理及分擔我一部份工作,對於各位平時要搵食嘅手足,係可以互相幫忙,但各人有各人有不同處事風格,就算小弟亦曾因處理呢D問題差D鬧出意見,我絕對唔想有呢D情況出現,所以到依家我仲未決定點做,近期亦有手足十分體諒小弟,再次提出建議,我暫時有幾個睇法,希望大家研究吓...
一...按原來方案,版主提昇至超版權限
二...由現有版主轉職至獨立超版位置 (唔明係乜?)
三...由外面再找合適人選

請教釣技問題
最新有網友私下向我請教釣技問題,我自己就覺得好攪笑,因我都無乜資格講,所以請佢回到帖內討論,如果各位都有此經驗,請大家都同我一樣處理,私下答只能幫一人,帖內講就多人得益!!
有個現象,唔知大家有冇留意?基本上有某D問題,A君今日出帖問完,大家討論完,,過N個星期之後,又到B君問返同樣或差唔多既野,又討論,又問,又討論,又問,如是者,答既人答到攰,久而久之,越泥越少人肯覆帖..真係要將有關大路問題既帖長期置頂
管理人員工作指引守則
我正更新"管理人員工作指引守則",完成後亦打算同步向外公報,此舉只係貫徹公平公開管理原則,如各位有任何意見,請隨意提出!!

我們需要一個甚麼網站??
老實講, 我都唔識答呢個問題...對釣友嚟講我想佢哋需要嘅嘢係 1) 釣魚資訊 - 邊度有魚釣? 2) 釣技 - 點樣釣倒魚? 3) 吹水平台 - 認識新朋友或同老友吹水! 嚟d都係魚樂網做緊嘅嘢...

有關各版置頂,高亮設置及評分準則
收到!

管理人員特權疑問
唔洗喇...我已經每月有成皮嘢比我洗!

版主需要工作報告嗎??
我怕唔係每個版主都可以應付倒! (包括自己在內) 好似磯釣版有4個版主, 好難一齊出一份, 出4份又好浪費資源。

管理人員遇到挑戰,如何面對??
原全同意, 我都唔想見到有唔開心嘅情況出現!

提昇管理權限
一...按原來方案,版主提昇至超版權限
or
二...由現有版主轉職至獨立超版位置

請教釣技問題
收到!

管理人員工作指引守則
明白!