本帖最後由 sydney 於 2009-7-25 13:02 編輯
我們需要一個甚麼網站??
唔係擦鞋，我覺得而家個網站已經十分正。
如何鼓勵新手幫忙回帖解答問題??呢個要版主幫手做吓功夫，多D主動同新手交流吓。
整個網站型態如何"討好"(可能呢兩個字唔係幾好聽)此族群??其實我睇唔倒而家有乜問題。 =='
各項專題釣法要如何重新包裝一吓??可唔可以每種專題釣法，拍幾段粵語旁白o既短片介紹吓，咁新手會易D入門，冇玩開有關玩法o既師兄亦可能有興趣。
網內活動等如何配合??如果學生哥新手，有好多可能銀兩有限(當然叠水者亦大不乏人)。如果可以提供基本器材俾佢地試玩，會令入門門檻降低，吸引更多人參與。
最重要一點,年輕人細路仔唔同大人,思想並不成熟,亦唔會理解你背後咁多原因,所以公平公正對於現在及未來管理更加重要!!
有關各版置頂,高亮設置及評分準則
為公平公開透明化管理,呢點我諗係需要向外公報有關處理細節,但我不打算統一整個網站準則(罰則方面,網站守則內已有註明如何做,各位請抽時間了解),各版主所管理版區可以獨立製訂合適準測,之後向外公報!!
愚見以為，置頂的原則應該是通告，或者內容對該版絶大部份網友有用、常用的資料；高亮是內容特別值得推薦的好帖。有時效性的內容可按需要設定時限。
在評分準則上，我很同意uncle所言，"在管理上, 只要公平, 公正, 處事亦無需過嚴, 言詞上亦不要令人感覺難以接受"。太苛嚴的管理只會令人反感，引起爭端。分數不是甚麼實物，只有象徵式的意義。扣一千分，不會比扣一百分有十倍的懲罰作用，只會帶來十倍的不滿。
管理人員特權疑問
各位覺得網站管理人員需要特權嗎??特權者...有別於一般網友的對待...呢個問題我暫時無標準睇法,不過管理權限並唔係特權係有守則所規範,當有網友提問,觸及此點如何處理??我個人會咁睇...睇需要,正如有D網站會有VIP級別,有D網站會有貴賓對待,每處目標不同,如果平常只係小猫三兩個上黎就無乜所謂,但作為面向群眾,好值得諗諗,有一點係事實,管理人員出心出力係絕對需要尊重,但千萬唔好理解為無人質疑應否有特權!!為何處理方式會與一般網友不同...等等問題,而且...我諗呢個年代,一般人都呢D現象都係比較反感,所以要小心處理,先聽聽各位意見...
不見得網站管理人員需要有任何特權，也不見得特權會帶來任何好處。
版主需要工作報告嗎??
其實我所做嘅工作報告主要係做一個問題清晰交待,版主方面需唔需要,我諗由大家各自決定,有需要可於各版內出帖,內容唔一定係問題交待,任何關於版務,內容規劃,動向,活動...等等皆可!!
版主因應需要自由決定好了。
管理人員遇到挑戰,如何面對??
簡單D講俾人吋要如何處理,當然最好就係無乜反應,按守則做事,不過我了解,始終大家都係人,有呢D情況請盡量冷靜,萬勿筆戰!!
有一件事絕對重要,千萬千萬千萬不要搵人幫拖圍插!!此乃絕對幼稚行為,與爛仔無異...如有發現他人主動幫手,亦請即時制止!!
明白，不過呢樣真係好考EQ。
提昇管理權限
其實早期亦已打算提昇管理權限,想將版主級別提昇為超版權限,不過有一點擔心...
超版權限無錯係可以跨版管理及分擔我一部份工作,對於各位平時要搵食嘅手足,係可以互相幫忙,但各人有各人有不同處事風格,就算小弟亦曾因處理呢D問題差D鬧出意見,我絕對唔想有呢D情況出現,所以到依家我仲未決定點做,近期亦有手足十分體諒小弟,再次提出建議,我暫時有幾個睇法,希望大家研究吓...
一...按原來方案,版主提昇至超版權限
二...由現有版主轉職至獨立超版位置
三...由外面再找合適人選
其實唔係好明點解要跨版管理。大多數版都有多過一位版主，大家已經可以互相分擔工作。如果跨版管理真係好大可能會引起誤會，產生問題，需慎行之。
可唔可以設定跨版管理權限只能限時鎖帖，等版主回來再行處理？
請教釣技問題
最新有網友私下向我請教釣技問題,我自己就覺得好攪笑,因我都無乜資格講,所以請佢回到帖內討論,如果各位都有此經驗,請大家都同我一樣處理,私下答只能幫一人,帖內講就多人得益!! 我冇乜呢個煩惱，因為冇乜人會諗住向我請敎釣技，呵呵！
管理人員工作指引守則
我正更新"管理人員工作指引守則",完成後亦打算同步向外公報,此舉只係貫徹公平公開管理原則,如各位有任何意見,請隨意提出!!
有冇需要規定版主對帖子進行操作時，必需copy & paste註明所引用的有關版規？此舉可有助貫徹公平公開管理原則，建立依法辦事的文化。
不過寫"管理人員工作指引守則"係非常煩重o既工作，呢個要勞煩爆叔您了。 |
顯身卡
樓主