1.我見有幾個一黎就不是打邊,,,
點解你要執著於一定要釣邊或者要釣邊先呢? 你可以肯定邊一定好魚o的? 或者個幾位師兄既經驗令佢地覺得外邊機會大過邊呢? 可能你印象中或者你話講書中話前打係"邊"既釣法, 但係我心目中"前打"主要既理念係令舊餌好似自然咁落下同隨流飄動, 令到魚感覺上呢個餌係"安全"可以放心進食...所以"邊"唔"邊"唔係重點, "邊"只係其中一個"攻擊範圍".......選擇邊個"攻擊範圍"係由個人經驗去決定, 個個都未必相同....正如磯釣有人鐘意釣腳邊, 有人鐘意遠投......咁唔通釣腳邊或者遠投既就唔算磯釣??或者一定要由腳邊慢慢釣出遠投先算磯釣????
2.唔明wo,,,,姐係半圓半圓禁一路行呀!
以常理講應該唔會半圓半圓咁行, 因為半圓半圓咁行即係你拎竿先做圓心?? 咁即係你行成個半圓都釣緊同一"點"??? 所以我既意思係以人做圓心竿為半徑既範圍...呢個範圍都係一般前打既標點......
3.如果你釣緊岩礁區,,,禁周圍都係大石,,,,佢會睇到件餌嗎?
咁沙地又無乜魚岩礁區又比大石遮住..咁應該去乜野環境釣魚呢? 咁天黑魚睇唔到野又釣唔釣到魚呢? 我估大部份魚都唔會有夜視眼..而且因為水濁問題水裏面視線範圍都好有限, 所以魚有"側線"可以感應四周既物件, 所以其實魚唔一定需要睇到件魚餌......而且就算魚真係要睇啦..有舊石阻住都唔緊要, 因為前打係不斷跟流釣, 亦不斷因應個底情況去調教釣柵深度, 所以呢一刻遮住睇唔到o者...但跟流過左舊石後只要妳調教深度無問題, 一樣送到條魚附近或佢可以睇到既範圍......
4.佢話係主攻鱲魚,,,,禁正常的鱲魚會冇啦啦游上面釣你嗎?
可能師兄妳比較少接觸前打釣法, 如果師兄玩多o的, 我相信你一定可以試到半水中立, 因為我地玩開都試過, 正因為咁前打由舊餌到水面個刻開始就要好留意條絲既情況, 去留意有無半水魚訊.....
5.可以係岸上估計,,,呢個係磯釣時就可能得,,,,但係你釣碼頭,,,,唔通岸上係貨櫃碼頭下低都係貨運碼頭嗎?
師兄我只係話粗略估計, 咁當然唔會次次估到....但就算碼頭都唔一定完全估計唔到既, 當然你只睇碼頭...個個一式一樣咁, 就比較困難啦! 但有無留意碼頭四周呢? 個碼頭起係個沙灘到既...咁正常都係沙底啦..如果係礁石住附近既..當應該都有機會係石底啦........正如磯釣睇位都可能要睇附近既山勢, 要睇出面水面既水紋有無亂紋去估計有無暗礁等等..唔可以只睇你腳下所處, 貨運碼頭亦可能附近有特別環境令你可以估計大約水底情況; 但點都好..正如我之前答你, 呢o的只係粗略由經驗去估計去幫助你去決定進攻邊個標點, 但估既野無可能百份百岩.....實際情況都係個釣場一路釣一路摸索....好似有個日本名人講過如果你清楚一個釣場, 要係個釣場唔知放低幾多百個飯盒先得......
6.我想問落級位要點睇?,,,,你釣前打係件餌係個地下到拖往黎釣嗎?
唔係睇, 係由支竿先既反應令你去知道, 當熟習呢種釣法, 你會知你舊餌係底定水中, 例如作釣中一直以10呎左右到底跟流釣, 但到某個位咁之前一段範圍都突然深/淺左...咁呢個咪係落級位! 呢點應該唔難明白........我釣前打唔係係個底個"拖"黎行, 係慢慢的下的下咁跟流方向黎釣(如果我以底為標點既話), 由流去帶動我舊餌, 唔係我拖佢行....
7.哦,,,,,禁我想問,,,,魚場好企禁你點解要出黎釣,,,,,,正如屋企好訓點解要出黎釣!
我心目中釣魚人都會一份同海魚(唔係養魚)既競技心, 所以魚場幾好我地都會出去釣, 但有競技心就有必要專登搵唔舒服既環境去釣? 我係同魚去競技唔係同個環境去競技丫嘛! 我尊重呢場"賽事", 所以我會盡可能用搵有利我既因質去"作賽", 當然師兄可能覺得呢種係一種挑戰...會去呢o的無咁舒服環境去作釣! 呢種可能就係我同師兄心態上既分別!
訓同釣好似係完全無直接關係喎! 如果你去釣點係訓既話就另作別論...^^
8.我想問如果你一放落去佢就咬你,,,,禁你重覆禁起魚,,,,,仲有咩好玩呀?,,,,,
點解唔好玩? 如果我一放落去就有...即係由我經驗所揀選位置正確啦.....其實我真係唔太明師兄你點解有得揀情況之下都好似要揀一個不利於自己既環境呢? 如果係我理解錯...可能係師兄既回覆令我有呢個誤解啦!
9.正是不能禁你有冇需要諗下自己件餌岩唔岩佢食的地方呢?
如果問題8係師兄所想, 咁應該唔會有呢個問題先岩個啵! 而且有個問題....點解師兄你覺得我地/其它人無諗個位岩唔岩呢? 但諗左又係咪一定岩? 應該未必架! 所以先要收正....我諗所有釣法都係不停去試不停去收正令到自己釣到魚...收正可能好細微, 可能係釣既深度唔同, 抽竿時間, 鉛既大細...或者好細微既作釣動作, 細微到身邊既人未必可以發覺到...可能因為咁令師兄有呢個誤解!
10.小弟唔周圍行坐定定係到釣會搵唔到條魚嗎?我覺得你是識搵魚的未落餌就已經可以搵到條魚會係邊到搵野食.....
敢問師兄有幾多次可以一落就有魚??? 當然我唔會話師兄你坐定定唔行搵唔到魚, 正常一般投釣都係坐定定但一樣可以釣到魚, 但如果同一個位投左十幾次都無魚訊, 會唔會投幾個位試下呢? 咁同我地"行"既深層意義都係一樣, 但我地要行, 因為我地玩既係"前打釣法", 唔係"投釣"....前打釣法就係要行要"主動"搵魚........
11.大流時魚是會避流和逆流行黎搵食的,,,,
咁當然我既意思唔係話佢地完全唔郁咁等食物黎啦! 你要完全唔郁企定定係到長時間都唔係件易事啦! 可況魚係水裏面....^^
12.要是佢要進食佢一樣會逆流進食,,,,
同上, 正確呀...魚係逆流進食既
13.食完游返自己個竇,,,呢種係班的做法姐,,,,,大部份魚都係一路游一面搵野食的,,,不是嗎?
我既竇既意思, 係指整個居住範圍, 可能係整整一條石駁..可能更大, 魚會留低因為佢覺得個到安全同食物理想, 直至可能氣季或其它因數令佢地覺得需要遷移為止, 如果唔係點會有時某o的地方數日或一兩星期連續都某種魚種釣? 如果每次都不停咁游(順逆流又好)...一日都唔知游左去邊啦! 我相信依家魚源唔會多到每一日都一大簊新魚到步去補返掛.....
14.水較深的地方你就難搵到佢條路嗎?,,,,,
唔係好明師兄點解會咁問, 因為我講"路線"完全無講到水深或水淺個喎! 但水深真係會有問題, 我諗每種釣法都有一個比較適合作釣既水深範圍, 好似一般前打架生無可能係南油釣個底掛.....
15.問題就是仲會唔會有經會呢?,,,,,
呢個問題我諗要由作釣既釣手去決定, 岩與錯試多幾次自己就會理解...
16.唔用d絲黎睇,,,我想問你點睇架?,,,
可能師兄唔多理解我所講, 我指係唔可以只用絲既角度做準則, 要成set釣組去評估; 如果師兄完全唔落鉛又用比較粗既絲同幼絲再加重鉛, 咁同等流速下兩set絲既角度都好大分別...咁點單用45度去斷定大唔大流呢?
17.可以推郁set野,,,,禁你係佢推的程度不是已知道幾大流嗎?
師兄我所答係同問題16一樣, 唔可以單用角度去判斷大流與否! 或者師兄直接話我知我咁答有邊方面問題?
18.試諗你係一個大流的地方放餌5秒,,,佢已升起,,,,冇流地方你又放5秒,,,,禁佢都係直落,,,那你不是在角度中睇到嗎?
答案同問題16同17一樣.
19.美麗的娛會,,,,,,地方大唔代表釣點多,,,,,釣點多,,,又唔代表存魚量多,,,,,所以有人可以坐定定都釣到,,,,,有人就唔知自己搵咩就周圍走話搵魚.........
我所答係假設去一個新釣場, 係你完全唔清楚釣點存魚量既時候, 當然係地方大代表轉機都多o的啦! 釣魚需要睇流水天氣環境脹退等等...如果地方細可能只有某個時間段某個流水等等o的魚先會聚集係個個位, 但地方大可能唔同時間唔同流水就有唔同位聚魚...咁係一完全無釣過既釣場揀地方大係咪相對機會都會大o的? 當然呢o的只係機會率.....唔係百份百....我諗要百份百既人就唔會鐘意釣魚, 因為釣魚太多變數....無一條程式次次岩用, 同一個釣場每次都會有某o的因數既轉變需要去思考去克服...呢個就係鐘意釣魚既人先睇會到既樂趣...
20.用磯釣作例,,,,你上到一個島上魚,,,,,其本上佢只有幾個位可以有魚,,,,,,用另一例子,,,,,,一個大島,,,,,唔會有人往哂,,,,,只會搵d有人而集中的地方往啦,,斷估你唔會鍾意你呀媽往東,,,,市集在西,,,你買野都麻煩啦~~~"
答案同19一樣, 我所答係一個完全陌生既釣點......但師兄所答係你已經清楚個個釣點所有.......又以你所講以居住為例..有兩個地方..一個地方方好細, 一個好大地方....你完全唔知個到有幾多人住唔知有無市集........你會覺得地方大個到齊野既機會大o的定細個到大o的?
21.點會話低於90度就行呢?,,,,,
呢個就係前打既基本釣法....其實我之前已經答左(前打盡可能會同水面成90度), 即係盡可能條絲直插入水...如果有流將絲同水平既角度推尖, 即細於90度(以流頭同絲接觸水面既夾角計), 就要開始行去盡量保持90度......如果你估另一邊既角度咪會大過90度囉!
當然唔會計舊餌飛起啦! 因為飛起絲無同海面無接觸, 無接觸又邊有角度呢?
大家討論還討論, 唔好講到燥燥地有少少罵戰feel先得架....一陣爆叔close左我地就無得討論架啦....^^
|
顯身卡
不如飲杯茶食d野先！
收工釣左一陣魚返黎原來已經去到第4頁...pudding,其實我意思係想你自己諗下點解要去釣魚即,我想帶個訊息俾你,想你知道就算釣場環點都好,只要你鍾意釣魚,我諗唔到一個咩理由會因為水流問題而唔釣即,不過上面好多師兄都講晒作為一個釣手應有0既正確觀念。
....好襌..