飯局後之意見

早兩晚一次前打聚會頒獎後,
難得一眾打手在場,
就獎關於前打公開賽嘅事情,
同大家傾吓...聽吓大家意見如何...
當晚就傾左幾樣野,其間亦提出左不少問題,
等我略略同大家分享一吓,
關於比賽時間...
大家反應都係可以接受03集合出發比賽,
同意無謂花時間於中午前後時間作不必要的等待,
亦覺得於凌晨至上午時段內6-7個小時作賽已足夠,
關於比賽地點及範圍...
聚會上當然有釣手問起比賽地點喺邊度,
暫時我地都未打算公報...
第一,想再實際了解地釣作賽可行性,
第二,希望對今年地點魚源環境情況再實地了解左先,
第三,保持神秘亦係考技術一環,
當然,到左比賽場地就會自己俾各釣手於範圍內隨意走動,
不設分區,不設間隔限制,釣手之間相矩幾多亦係由釣手自律去控制
關於釣餌及安排...
為防止太多雜魚,基本上釣餌已指定為生蝦及蟹仔,
蟹仔就由參賽釣手自己準備,
生蝦方面,因日期時間所限,大家都同意,
如果有需要,可由大會統一供應,
當然...大會供應,即代表不能選擇生蝦大小,及現在選擇,
只能按人頭分配數量!!
關於記錄魚獲...
仍以條數作為競賽評分標準,
因需兼顧大會宣揚釣後放生目的,
所有魚獲上水後,釣手即時向工作人員示意,
記錄後,需即時放生!!
除冠亞季獎項外,比賽另設大魚獎,
不過記錄方面,就由釣手自我即場拍照保存記錄,
到比賽結束後交收工作人員審核,
當然釣手係可選擇參與或不參與挑戰大魚獎,
會否出現作弊情況??
規矩者...都係防君子不能防小人,
我地亦相信大家係抱著自律精神參加比賽活動!!

最後就係...好感謝當晚各釣手嘅寶貴意見,
及對比賽釣後放生要求嘅了解!!

所有魚獲上水後,釣手即時向工作人員示意,
記錄後,需即時放生!!
除冠亞季獎項外,比賽另設大魚獎,
不過記錄方面,就由釣手自我即場拍照保存記錄,
到比賽結束後交收工作人員審核,
當然釣手係可選擇參與或不參與挑戰大魚獎,
會否出現作弊情況??
規矩者...都係防君子不能防小人,
我地亦相信大家係抱著自律精神參加比賽活動!!

既然要向工作人員示意,不如做多少少魚獲多少同大小記錄
網上比賽一張相都可以咁有爭議性..
比賽不設目標魚種大魚獎??定係咩魚都可以挑戰大魚獎?

所有魚獲上水後,釣手即時向工作人員示意,
記錄後,需即時放生!!
除冠亞季獎項外,比賽另設大魚獎,
不過記錄方 ...
fify50 發表於 2010-7-10 19:57

                               
登錄/註冊後可看大圖

目標魚種係鱲科!!
你嘅提議係好我地亦已考慮過,
因涉及工作人員工作量...
雖然前打比賽目的係推動前打釣法,
另一最主要原因係想令大家更了解更認識釣後放生,
如果無足夠數量工作人員配合,
以上提議,係好難完美完成!!
網上比賽與現場比賽情況唔同,
所謂爭議性亦唔會太大問題,
規矩係防君子不能防小人,
真係有人為左呢D事,刻意做好多事前工夫,
咁都抵喇